GMN TV Politika MSSI rekoñese carro funerário la sufisiente

MSSI rekoñese carro funerário la sufisiente

0 views

Xefe Departamentu carro funerário, Ministériu Solidaridade Sosiál no Inkluzaun (MSSI), Fidelis Araújo, rekoñese, carro funerário ne’ebé dau-daun ne’e iha la sufisiente atu transporta mate-isin, wainhira volume mate aas.

Tanba iha loron 14, fulan ne’e, família matebian sira iha Hospital Nacional Guido Valadares (HNGV) lamenta ho atendimentu carro funerário, tanba sira tenke aluga kareta hodi tula mate-isin ba sira nia rezidénsia.

“Mate-isin sira ne’e balun rai iha mortuáriu HNGV dezde iha Kinta (13/8) no balun iha Sesta (14/08) madrugada ne’e, kuaze iha Díli laran ema na’in 2 no 5 husi munisípiu sira ne’ebé rezidente iha Díli obrigada família sira aluga rasik carro funerário, hodi tula sai mate-isin, maibé sira ne’ebé husi munisípiu kontinua hela iha mortuáriu. Ami ministériu hasoru difikuldade tanbá kareta aat, tuir loos komunidade tenke hein, ami esforsu duni no konsege tula rua no transporta ba munisípiu sira, relasiona ho komunidade nia preokupasaun ne’e loos, maibé tenke haree ba atendimentu la’o nafatin maske kareta aat no sira lori mate-isin ba depois mai, família matebian sira lakohi halo koordenasaun no ansi, entaun kondutór sira sei iha dalan no foho ami labele halo milagre”, Xefe Departamentu carro funerário MSSI ne’e ba jornalista sira iha ninia kna’ar fatin, Bemori-Díli, Segunda (17-08-2020).

Pesoál Administrasaun carro funerário, Miguel Nunes mós, hateten, dalaruma iha loron ne’ebé hanesan sira hetan pedidu 1, nune’e departamentu labele fasilita hodi transporta mate-isin sira iha tempu ne’ebé hanesan.

“Primeiru ami tula uluk Díli laran na’in rua sai no depois fahe ba munisípiu sira kareta 6 la sufisiente, tanba mate hamutuk 16 iha loron hanesan, entaun kareta la sufisiente no karete tama mós tarde, hakarak ka lakohi tula ho kareta privadu la’ós kulpa husi instituisaun ida ne’e ni’an, maibé ita hotu ni’an”, tenik Miguel.

Relasiona ho problema refere, Departamentu carro funerário hato’o ona pedidu hodi sosa tan carro funerário 10, liu husi Orsamentu Jerál Estadu (OJE) tinan 2021, maibé hetan aprovasaun atu sosa de’it 5.

Carro funerário ne’ebé daudaun ne’e iha MSSI hamutuk sia (9), maibé carro funerário tolu (3) sei iha faze manutensaun, nune’e difikulta servisu departamentu ni’an atu hatán ba pedidu ne’ebé tama. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker