GMN TV Politika PATIFOR ezije Governu tau matan ba povu nia terus

PATIFOR ezije Governu tau matan ba povu nia terus

0 views

Prezidente Partidu Timor Forte (PATIFOR), Gregório Saldanha, ezije ba Governu atu tau matan ba povu nia terus, liu-liu ba bee moos, saúde, edukasaun, agrikultura, infraestrutura bázika no selu-seluk tan, ho nune’e bele hadi’a povu nia moris.

“Apela ba ulun boot polítika sira atu buka malu hakotu sira-nia naksalak liu husi ita-nia tradisaun nahe biti boot, hodi buka solusaun no hadi’a fali sira-nia relasaun hodi hametin unidade nasionál, atu nune’e bele fó atensaun liu ba dezenvolvimentu nasionál. Apela mós ba órgaun soberánia sira, liu-liu Ezekutivu ho lejislativu hodi fó atensaun boot no serve rezolve uluk povu Maubere nia moris susar hanesan ba ai-han, bee moos, saúde, edukasaun agrikultura, infraestrutura bázika, estrada rurál no selu-seluk tan”, Prezidente PATIFOR ne’e liu husi konferénsia imprensa iha sede nasionál PATIFOR, Farol-Díli, (30-08-2020).

Relasiona ho loron komemorasaun konsulta populár ba dala-21 ne’e, atuál Prezidente Komité 12 Novembru ne’e apela ba líder istóriku no líder nasionál no órgaun soberanu hotu atu fó liman ba malu, hodi hakotu impase polítiku no harii unidade nasionál, nune’e fó prioridade ba dezenvolvimentu nasionál.

“Ohin responsabilidade ne’e mak hatutan nafatin iha ami nia leten, karakterístiku ne’e mak iha ami, tanba ida ne’e mak ami harii partidu ida ne’e no ami harii partidu ne’e tanba ezijénsia, tanba nesesidade ita-nia rai no povu ida ne’e no ami mós asume responsabilidade hodi hatutan no buka dalan resolve. PATIFOR hamriik nu’udár partidu foun, hodi banati tuir jerasaun tuan sira-nia ain fatin, hahú kedas iha tempu rezisténsia to’o agora. Ezisténsia PATIFOR nu’udár responsabilidade ida ne’ebé antes ne’e joventude asuwa’in hamutuk ho frente armada no frente externu sira, hodi kontinua defende independénsia Timor-Leste husi invazór sira”, dehan Gregório.

Nia afirma, mezmu la envolve ona iha partidu istóriku sira hanesan FRETILIN, maibé nu’udár jerasaun foun iha responsabilidade banati tuir nafatin, vizaun no misaun jerasaun tuan sira-ni’an ne’ebé kuda hela durante tinan barak nia laran, hodi kore povu husi kiak no mukit.

Entretantu tuir legalidade partidu polítiku ni’an dau-daun ne’e PATIFOR nia militante atinji ona rihun 30 no mós ho estatutu rasik, inklui iha mós sede nasionál no sede munisipál ne’ebé du-daun ne’e balun identifika ona, no balun seidauk. Iha tempu besik sei rejistu iha Tribunál Rekursu, inklui halo kongresu nasionál. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker