GMN TV Politika PM konsidera EE hodi prevene COVID-19

PM konsidera EE hodi prevene COVID-19

0 views

Primeiru Ministru (PM), Taur Matan Ruak, hateten, Estadu Emerjénsia (EE), mak dalan diak liu hodi prevene kontájiu no risku importasaun Corona Virus Disease 2019 (COVID-19) tama Timor-Leste (TL).

“Membru Parlamentu Nasionál (PN), hatene embaixada sira, sira envoka konvensaun Viana sira lá kumpri, regras ne’ebé ita impõem, sé embaixada sira hanesan ita haree tok oinsa mak ita kontrola, ita nia situasaun iha rai laran, entaun haree ba seguransa ida ne’e dalan diak ita avansa ba EE,” dehan, Primeiru Ministru, Taur Matan Ruak, iha Parlamentu Nasionál, Tersa (11/08/2020).

Xefi Governu ne’e afirma, iha razaun tolu hodi aplika EE, ba dala uluk COVID iha nasaun viziñu nia numeru aumenta ba bebeik, Indonésia ultrapassa 127 mill no Autstralia ultrapassa 21 mill, ne’e lá koalia kona-ba nível mundial, ne’e numeru sae ona ba 20 millões, 700 ital mill mate.

“Ba daruak risku ba kontájiu no risku ba importasaun ne’e bo’ot liu pior liu kuandu ita iha, in seguransa juridiku,” hateten, PM Taur.

Taur esplika, ida ne’e Governu deside iha loron 3 fulan Agostu 2020 halo pedido ba, Sua Exelensia Prezidenti Republika (PR), iha loron 4, fulan Agostu, Primeiru kazu importadu, mosu iha ita nia rai.

“Ne’e justifikadu kedas katak, nesesidade ita atu hahu fila fali EE, husi ita nia rai, tanba ne’e, ohin ami mai justifika nesesidade atu implementa EE,” tenik, Taur.

Xefe Governu subliña, ba dá-la 4 Governu fila fali mai PN, atu defende nesesidade deklarasaun Estadu Emerjénsia, ultimu EE iha loron 26, fulan Juñu, tinan 2020, no iha loron 30, fulan Juñu, Governu Desmantela SIJK, depois ida ne’e intervalu fulan ida, Governu sente katak iha nesesidade atu fila-fali mai husu apoiu husi PN.

“Ohin (horseik-red), ami mai atu klarifika tamba saída mak, presiza EE depois de diskusaun klean ho PR, para hatete lolos konselamentu PR iha nesesidade ita hili EE, Governu halo esforsu tomak hodi implementa EE, tuir mandatu ne’ebé iha” afirma, PM Taur.

CNRT: Hamonu kredibilidade PN

Maske nune’e, bankada opozisaun CNRT iha uma fukun Parlamentu Nasionál (PN) konsidera votasaun ba autorizasaun Estadu Emerjénsia (EE) ba da-haat ne’e hamonu kredibilidade PN, tanba laiha prezensa husi Governu.

“PN liu husi plenária ida ne’e ita hanesan bazaar ida, meja telefone ba mai ho Chefe Casa Civil nunka akontese kazu ida hanesan ne’e, iha plenária dentru ita ukun-an foin primeira vez ami rona deputadu Mandati ezije Prezidente muda data ita tuir de’it Prezidente Repúblika (PR). PN lakon nia kredibilidade, aat liu Primeiru Ministru (PM) laiha preparadu atu mai PN, ita haree laiha koordenasaun entre PR ho PN ho Governu. Ami haree PR ho PN la konfia PM atu mai hatán iha PN, halo esplikasuan detalladu kona-bá EE, ita presiza esplikasaun razaun Governu haruka PR deklara EE, tanba númeru COVID-19 aumenta iha Indonézia ho Austrália”, Deputadu bankada CNRT, Carmelita Caetano Moniz liu husi ninia intervensaun polítika iha plenária estra-ordinária (11/8), bainhira PN halo konfirmasaun votu ba deklarasaun EE ne’ebé komisaun permanente autoriza ona PR dekreta iha loron 5, fulan Agostu ne’e.

Deputada Carmelita Moniz mos hatete, justifikasaun husi Prezidente Parlamentu Nasional kona-ba komisaun permanente autoriza votasaun EE iha loron hirak liu ba ne’e laloos no nulu.

“Ita tenke koalia buat los, tanba ita mos iha CCTV, se hakarak loke karik loke CCTV kona-ba diskusaun iha komisaun permanente iha dia 5 kalan saida mak akontese? E deputadu sira hotu tur iha ne’e hotu-hotu rekoñese saida mak akontese? No ita bo’ot (Aniceto Guterres) nia esplikasaun ne’e sala bo’ot los. Ami sei la lori ba Tribunal tanba sa? Tanba Tribunal hatete tiha ona iha sira-nia desizaun akordaun katak, kualker desizaun polítika la sujeita ba kontrolu judisial, tanba ne’e lalika lakon tempu hodi ba Tribunal. Tuir loos aprovasaun ba autorizasaun husi deputadu iha loron 5 liu ba ne’e nulu, tanba Governu la marka prezensa”,tenik Carmelita Moniz.

Prezidente Parlamentu Nasionál (PN), Aniceto Guterres, rekoñese situasaun ne’e no konsidera deputadu sira iha direitu atu fó opiniaun no fó apresiasaun kona-bá legalidade prosesu autorizasaun husi komisaun permanente ba EE.

“Ita sura husi loron 5 to’o agora la kleur ida deputadu husi CNRT ha’u husi meza rekoñese direitu deputadu atu fó apresiasaun kona-bá legalidade prosesu autorizasaun husi komisaun permanente ba EE, maibé loron tuir mai ha’u ladún iha interese atu hatán ba apresiasaun sira kona-bá legalidade prosesu hirak ne’e. Ohin ita atu hola desizaun konfirma ou rekuza, nune’e bele rezolve hotu ona, sé konfirmasaun ilegalidade sira ne’e. Maibé dalan nakloke atu kestiona ilegalidade durante loron 6, ha’u dehan interese atu hatán kestaun legalidade ita perde tempu de’it agora”, tenik Xefe Órgaun Lejislativu ne’e.

Entretantu iha plenária estraordinária hodi halo konfirmasaun votu ba deklarasaun EE iha loron 11, fulan ne’e, iha PN ne’e, pasa ho votus nominál 40, abstensaun 17 no kontra 0.

Enkuantu antes ne’e, komisaun permanente autoriza EE ba dahaat ho votus a favor 20, abstensaun 0, kontra 0 no bankada CNRT walk out husi plenária, tanba Prezidente Parlamentu Nasional viola rejimentu.Cin/ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker