Primeiru Ministru (PM), Taur Matan Ruak, lori Governu nia naran, louva jenerosidade ka laran luak husi líder nasionál, Kay Rala Xanana Gusmão, tanba ezije Governu hodi aplika lalais Estadu Emerjénsia (EE).
“Iha ne’e ha’u hakarak louva Maun Xanana nia jenerosidade, tamba Governu seidauk aprezenta Estadu Emerjénsia, Maun Xanana mak husu uluk ona, no ezije ona, ha’u kuandu to’o ba iha ha’u-nia uma, ha’u-nia oan sira dehan ba ha’u, avo Xanana dehan taka fronteira tanba saida ita bo’ot kontinua loke”,dehan, Primeiru Ministru, Taur Matan Ruak, iha Parlamentu Nasionál, Tersa (11/08/2020).
Xefi Governu ne’e hateten, Governu aseita ho desizaun husi Prezidente Repúblika, tanba fó kbi’it ba Governu hodi jere situasaun ida ne’e.
“Prezidente Repúblika nia rasik husu para bele aplika Estadu Emerjénsia, Governu aseita ida ne’e, tamba ne’e fó apoiu ida ba ami no ita hotu, para ita iha kbi’it liu tan hodi jere situasaun ida ne’e” afirma, PM Taur. Cin
