GMN TV Politika PR dekreta EE, Sei fó prioridade liu ba pontu entrada sira

PR dekreta EE, Sei fó prioridade liu ba pontu entrada sira

0 views

Prezidente Repúblika (PR), Francisco Guterres Lú Olo, deklara ofisialmente katak, iha loron 5 fulan Agostu tinan 2020 dekreta ona Estadu Emerjénsia (EE) ba dahaat, hahú iha loron 6, fulan Agostu, no remata iha  loron 4, fulan Setembru tinan ne’e hanesan fó prioriedade ba pontu entrada sira atu la bele husik tranmisaun surtu COVID-19 tama Timor-Leste (TL).

“Tanba Timor-Leste la bele haketak-an husi mundu, ita presiza matan moris nafatin, moras COVID-19 sei la’o maka’as hela. Ita nia País viziñu sira, Indonézia no Austrália, iha kazu barak tebes no seidauk hatene bainhira mak sira livre husi COVID-19”,dehan PR Lú Olo, iha Palásiu Prezidensial Nicolau Lobato, Bairo Píte, Díli. (06/08/2020).

Nia hatutan, haree ba situasaun iha mundu tomak, no liu-liu, iha país viziñu rua ne’e, Governu Timor-Leste aprova proposta, iha segunda feira kotuk, loron 3 fulan Agostu, hodi husu ba Prezidente Repúblika atu deklara Estadu Emerjénsia.

Prezidente Repúblika simu pedidu husi Governu iha loron 4, fulan Agostu, tinan 2020. Iha loron ne’e duni, kazu foun COVID-19 deteta iha sidadaun ida ne’ebé tama mai Timor-Leste iha loron 22 fulan Jullu, husi Fronteira-rai. Sidadaun ne’e haketak kedas iha fatin izolamentu Vera Cruz, no Ministériu Saude hatutan kedas kuarentena ba sidadaun sira tama mai iha Timor Leste, iha loron hanesan ho sidadaun kazu pozitivu ne’e. Medida seluk foti mós atu la husi moras ne’e hada’et ba komunidade.

“Hafoin hetan apoiu husi Konsellu Superior Defeza no Seguransa inklui Konselhu Estadu, no hanoin simu autorizasaun husi komisaun konstitusional, deklara Estadu Emerjénsia liu husi dekretu Prezidensial ne’ebé públika iha Jornal da República iha loron 5 fulan Agostu tinan ne’e. Nune’e, Timor Leste hahú Estadu Emerjénsia dahaat, ohin loron 6 fulan Agostu, husi zero oras, no sei remata iha tuku 23.59, loron 4 fulan setembru tinan 2020”,subliña Xefe Estadu.

Nia realsa tan katak, ho Estadu Emerjénsia, medida sira ne’ebé ema hotu tenke haktuir iha ne’ebé husi sorin ida permite fó protesaun ba saúde públika, maibé husi sorin seluk, suspende ka limita direitu no liberdade prinsipal sidadaun sira nian ne’ebé Konstituisaun Repúblika fó.

Enkuantu  tuir dadaun medidas Estadu Emerjénsia, tanba pandemia COVID-19, órgaun soberania sei buka hetan dalan legal seluk atu fó protesaun nafatin ba povu.

“Situasaun ohin loron iha ita-nia rai laran la ejize atu foti medidas maka’as, ita sei foti deit medidas hanesan períodu Estadu Emerjénsia datoluk, durante períodu Estadu Emerjénsia  ida ne’e, atividade ekonómika, sosial, kultural, eskolar, servisu, vizita família ka atividadse seluk la’o hanesan babain, Estadu Emerjénsia foun ida ne’e sei suspende no limita direitu no liberdade balun kona-ba sirkulasaun internasional, liberdade sirkulasaun, no hili rezídensia iha fatin ne’ebé deit iha teritóriu nasional mós direitu ba rezitensia katak hotu hotu tenki kumpri medidas hatun husi Governu”,salienta Lú Olo.

Alende ne’e, Prezidente Repúblika husu ba autoriedade relevante sira atu tau atensaun espesiál ba pontu entrada, katak fatin ema tama husi rai-liur hanesan fronteira-rai, aeroportu no fatin ró sira tama, atu la husik Corona Virus tama tan iha Timor Leste. Oly


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker