GMN TV Politika PR husu Governu harii uma ba veteranu sira

PR husu Governu harii uma ba veteranu sira

0 views

Prezidente Repúblika (PR), Francisco Guterres Lú Olo, hatete, Timor-Leste komemora loron FALINTIL ni’an tinan-tinan no tinan ida ne’e komemora ba dala 45, nune’e husu ba Governu tenke valóriza no dignifika veteranu sira, liu husi harii uma ba sira.

“Ita hotu haksolok, ita hotu hanoin, ita hotu fó gloria no onra nafatin ba ita nia asuain sira hotu, ita nia asuain FALINTIL sira para bele moris nafatin ho ita iha ukun-an ida ne’e, katak iha ukun-an ida ne’e sira nia isin ho ran nia folin mak ohin loron ita goza”, dehan Lú Olo ba jornalista sira, Kuarta (19/08/2020), iha misa agradesimentu ba selebrasaun aniversáriu FALINTIL ba dala 45, iha Igreja Motael, Díli.

Lú Olo haktuir, seidauk iha duni valórizasaun, tanba ne’e, tenke halo no tenkE fÓ dignidade ba veteranu sira, liu husi polítika ida, atu oinsa mak hodi bele harii uma ba veteranu sira, para bele garante pelu menus sira nia restu vida ne’e ne’ebé mak sira sei iha.

iha fatin hanesan, Sekretáriu Estadu Asuntu Kombatente Libertasaun Nasionál (SEAKLN), Gil da Costa Monteiro “Oan Soru”, esplika, em prinsípiu Governu ka ministériu iha polítika, maibé desizaun ne’e la’ós ministériu ni’an mesak no muito menus Sekretáriu Estadu, desizaun ne’e tenke mai husi órgaun Estadu hotu, hanesan governante iha Ministériu Asuntu Kombatente Libertasaun Nasionál MAKLN), iha duni programa lubuk boot ida ne’ebé iha balun sei implementa no la’o hela.

“Iha balun ne’ebé seidauk implementa no seidauk la’o, tanba ho razaun sira situasaun polítika, situasaun orsamentu, situasaun avo corona, entaun ita para hela buat lubuk ida,  maibé la signifika para ho ida ne’e, prosesu ita haree hamutuk, tanba órgaun  Estadu ne’e la’ós mak ministériu, órgaun Estadu husi Prezidénsia Repúblika, Parlamentu Nasionál, no instituisaun judisiáriu, importante liu atu koalia liu kona-bá polítika”,  tenik Oan Soru. Oly


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker