GMN TV Politika Presiza halo edukasaun sívika ba povu kona-bá lei MPCC

Presiza halo edukasaun sívika ba povu kona-bá lei MPCC

0 views

Deputadu bankada CNRT, Arão Noe, hateten, hafoin Xefe Estadu promulga lei Medidas Prevensaun no Kombate Korrupsaun (MPCC-sigla Portugues), presiza halo edukasaun sívika ba povu kona-bá lei refere, atu nune’e povu bele intende di-di’ak lei refere.

“Ho aprovasaun lei MPCC ne’e bele haforsa liu tan servisu CAC, tanba durante ne’e hetan krítika dehan CAC laiha nehan hodi kontra korupsaun, ho lei ne’e ita iha ona baze legál no seguru, oinsa bele prevene korupsaun, tanba iha parte rua mak iha ne’ebá prevensaun no kriminalizasaun prevensaun oinsa ita bele iha aktu korupsaun kriminaliza akontese”, Deputadu bankada CNRT ne’e ba jornalista sira iha Parlamentu Nasionál (PN), Kuarta (26-08-2020).

Arão esplika, atu halakon korupsaun presiza esforsu husi parte hotu-hotu no atu halo prevensaun tenke halo edukasaun sívika, oinsa bele halo prevensaun aktu saída mak atu prevene.

“Ita halo hela korupsaun, maibé ita rasik la sente derepente hetan akuzasaun hanesan tama servisu tarde, tanba ne’e mak presiza halo sosializasaun husi parte CAC tenke kumprende lei refere, bainhira iha implementasaun labele dehan ami seidauk kompriende. Ha’u mai tarde ida ne’e mós parte korupsaun ida, tanba ne’e mak presiza iha sosializasaun husi parte CAC no PN rasik edukasaun sívika ba povu komprende lei ida ne’e saída mak atu kriminaliza bele intende, bainhira implementa ona labele dehan ami la hatene. Ha’u hein órgaun judisiál sira ne’e bele ona haree di-di’ak lei atu bele implementa no parte CAC polísia investigasaun  kriminál iha área korupsaun ni’an, maibé nia la’ós Ministériu Públiku (MP) tuir konstituisaun kna’ár ne’e MP ni’an, tanba ne’e CAC no MP tenke servisu di’ak, hafoin ita aprova lei CAC no PR promulga ona sai hanesan baze legál ba ita”, hateten Deputadu bankada CNRT ne’e.

Nune’e mós deputadu bankada FRETILIN, David Dias Ximenes “Mandati” hateten, lei MPCC ne’e eziste ho intensaun atu labele iha abuzu, tanba balun moris di’ak no balun seidauk.

“Lei MPCC atu kontrola ita hotu atu labele iha abuzu ohin loron iha Timor laran ita bele haree balun moris iha lalehan no balun seidauk, ho esperénsia hirak ne’e balun hetan barak liu, ho lei ne’e ho fenómenu ida ne’ebé ita hotu tenke responde, tanba ne’e, ho promulgasuan lei MPCC bele kontrola ona”, esplika Mandati.

PN aprova lei MPCC ho unanimidade, liu husi votus a favor 61, kontra 0 no abstensaun 0, iha loron 20, fulan Jullu, tinan ne’e.

Entretantu Prezidente Repúblika (PR), Francisco Guterres “Lú Olo” promulga lei MPCC iha loron 24, fulan Agostu ne’e.

Ho promulgasaun lei MPCC ne’e sei hametin liut án fiar públiku ba instituisaun sira ne’ebé Estadu harii. Atu nune’e ba oin implementasaun lei ne’e sei hametin fila-fali fiar sidadaun ni’an ba integridade, transparénsia, efisiénsia no efikásia instituisaun Estadu, hodi serve ba interese públiku. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker