GMN TV Politika Prevene konfrontu, PN husu Governu rejista GAM

Prevene konfrontu, PN husu Governu rejista GAM

0 views

Parlamentu Nasionál (PN), liu husi komisaun B ne’ebé trata asuntu defeza no seguransa, deputadu David Diaz Ximenes “Mandati”, husu ba Governu atu halo resensiamentu ba Grupu Arte Marsial (GAM) sira iha Timor-Leste, nune’e bele iha responsabilidade, bainhira mosu tan dezorden públiku.

Tanba atu prevene aktu inresponsabilidade husi grupu deskoñesidu ne’ebé tenta hamosu konflitu, hodi implika ba sosiedade, Governu tenke halo identifikasaun ba lokal atividade GAM hotu, nune’e ba futuru kada grupu tenke responsabiliza nia aktu rasik.

“Governu tenke halo resenseamentu ba arte marsial sira iha Timor laran, depois ida ne’e mak ita tenke tenta para identifika lokais ka fatin ne’ebé sira treinu ba, entaun balun dehan katak sira nia cabang ka sukursais ne’e ba treinu ne’e tenke identifikadu, ne’e para kuandu to’o pontu ida sai hanesan ne’e halo fali hanesan ne’e, bele identifika ona grupu ne’ebé halo dezorden públiku ne’e”, deklara deputadu Mandati, ba jornalista sira iha PN, Sesta (14/08/2020).

Deputadu ne’e hateten, loloos Polísia tenke halo patrullamentu bei-beik, liu-liu iha zona ne’ebé identifikadu hanesan zona verde, zona vermella no zona kinur, zona verde dehan katak bairu ka parte ne’e aman ka livre husi konflitu, zona kinur aman tapi bahaya uitoan, maibe zona vermella ne’e zona ida ne’ebé la di’ak liu.

“Atu nune’e karik akontesimentu ruma, ita hatene ona katak aumenta ka diminui, hodi halo operasaun iha baze. Polísia Nasionál Timor-Leste tenke tau sinal ba kada zona ka bairu tuir ambiente ne’ebé iha, nune’e fasil atu halo operasaun”, afirma nia.

Membru Parlamentu husi bankada Fretilin ne’e mós sujere ba Governu atu kria kondisaun ba joven sira, tanba konflitu ne’ebé mosu repete bei-beik ne’e implika mós husi menus kampu traballu.

“Governu labele mós kastigu de’it, tenke haree mós nia kauza efeitu, buat sira ne’e nia implikasaun ne’e barak, maibe labele mós tanba de’it nia implikasaun barak, ita husik  intensifika ita nia dearmonizasaun”, esplika deputadu Mandati.

Iha okaziaun ne’e, nia parte husu ba Ministeriu Interior atu ba halo peskiza iha fatin akontesimentu, liu husi polísia investigasaun nasionál, para bele identifika, tanba saída mosu akontesimentu refere para bele buka solusaun ba kestaun ne’e.

Iha semana ne’e, mosu konfrontu iha postu administrativu Laga, munisípíu Baucau, hodi rezulta komunidade nia uma 16 hetan sunu no sasán balun la konsege salva.

Akontesimentu ne’e deskonfia komete husi  GAM  hanesan PSHT ho Kera Sakti. Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker