GMN TV Politika Semana ne’e, Governu sei diskute estensaun Estadu Emerjénsia ba dalima

Semana ne’e, Governu sei diskute estensaun Estadu Emerjénsia ba dalima

0 views

Primeiru Ministru (PM), Taur Matan Ruak, Segunda (24-08), hasoru malu ho  eis Koordenadór Sentru Integradu Jestaun Krize, Brigadeiru Jenerál, João Miranda “Aluc” no Vise Ministru Interior, António Armindo hodi koalia kona-ba seguransa iha liña fronteira relasiona ho pandemia COVID-19.

“Ida ne’e (Estadu Emerjénsia) ita sei haree iha kuarta-feira ne’e”, hateten Vise Ministru Interior, António Armindo, hatán ba pergunta jornalista Diário Nacional kona-bá estensaun Estadu Emerjénsia, hafoin enkontru ho PM.

Entretantu tuir informasaun ne’ebé fó sai husi Lusa iha Segunda ne’e katak, iha semana ne’e, Governu sei diskute estensaun Estadu Emerjénsia ba dalima.

Estadu Emerjénsia ida agora hetan aprovasaun husi Komisaun Permanente do Parlamentu Nasionál no Prezidente da Repúblika, Francisco Guterres Lú Olo, deklara iha loron 6, fulan Agostu ne’e. Estadu Emerjénsia ida agora teritóriu tomak no sei remata iha loron 4, fulan Setembru.

Alende ne’e, Eis Koordenadór Sentru Integradu Jestaun Krize (SIJK) Brigadeiru Jenerál, João Miranda Aluk, relata katak, kona-bá atu estende tan Estadu Emerjénsia, nia parte lakohi adianta, tanba ne’e sei diskute iha Konsellu Ministru (KM).

“Kona-bá atu estende tan EE ha’u labele adianta, sei diskute iha KM ita hotu hein, haree katak avaliasaun situasaun ida ne’e mantein ho ritmu ida hanesan ne’e bele estende”, hatutan Aluk.

Aluk hatutan, nasaun sira ne’ebé iha fasilidade avansadu liu, to’o agora sira seidauk iha ai-moruk vasina nian, tanba ne’e ba Tímor-Leste presiza prevene.

“Maibé ita hotu hatene katak, mezmu iha ita-nia rai kazu ida de’it, maibé moras ida pandemia ne’e iha nasaun viziñu iha ita-nia sorin, ne’e sei maka’as, ida ne’e bolu atensaun ba ita oinsa atu prevene, liu-liu ita-nia medidas preventivas tenke forte, tanba ida ne’e mak dalaruma sei estende tan antesipasaun emerjénsia para ita hakmatek hodi akompaña”, reafirma nia.

Timor-Leste oras ne’e daU-dauk iha kazu ativu ida, pasiente ne’e rasik sidadaun Timor-Oan ida ne’ebé tama mai Timor-Leste husi nasaun Indonézia, iha loron 5, fulan ne’e, ho aviaun Citilink ne’ebé fasilita husi Governu Timor-Leste. Oct


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker