GMN TV Politika UDT/FM deskorda harii rezidénsia ba deputadu sira

UDT/FM deskorda harii rezidénsia ba deputadu sira

0 views

Deputadu bankada UDT/FM, Francisco David Carlos, deskorda planu harii rezidénsia ba deputadu sira, tanba haree ba realidade povu sira moris sei mukit hela.

“Ha’u haree opiniaun pesoál husi bankada UDT/FM povu sei mukit tebes, laiha kondisaun uma moris mahon ba sira. Há’u nia prioridade di’ak liu ita halo uma ba povu la’ós ba deputadu, tanba deputadu ida-idak iha nia uma, maibé maske nasaun viziñu ne’ebé kompletu ho fasilidade, ha’u haree di’ak liu ita-nia preokupasaun di’ak oinsa kria kondisaun moris dignu ba povu sira ne’ebé seidauk iha mahon”, Deputadu bankada UDT/FM ne’e ba jornalista sira iha Parlamentu Nasionál (PN), Segunda (24-8-2020).

Francisco esplika, kona-bá koa osan alozamentu ne’e desizaun Prezidente PN, Aniceto Guterres ni’an, maibé sei haree to’ok kona-bá aseita ka lae, sei haree andamentu foin mak akompaña husi média seidauk rona direta husi Prezidente PN.

“Sé hakarak poupa osan Prezidente PN hakarak halo jestaun ida ne’ebé di’ak, maibé realidade ohin loron povu barak seidauk asesu uma-mahon ba sira, sé halo uma ba deputadu sira hamosu dezkontentamentu públiku ne’e labele ita, tanba povu barak seidauk iha kondisaun moris dignu”, haktuir Deputadu bankada UDT/FM ne’e.

Entretantu deputadu bankada PLP no KHUNTO aseita vizaun Prezidente PN, atu harii rezidénsia ba deputadu sira, nune’e bele reduz kustu alozamentu, maibé Prezidente PN sei lori ba plenária mak deside.

“Ha’u hanoin uma ne’e la’ós halo ba deputadu sira, maibé uma Estadu kualker deputadu sei hela iha rezidénsia ne’ebé Estadu harii, kona-bá atu poupa osan ita boot sira hakarak ami simu osan kada fulan USD 450 mak di’ak ka halo uma, ami bele hela ba duke ha’u simu osan hela iha ha’u nia uma maske ha’u mai husi foho. Maibé ha’u la fiar deputadu sira laiha família hela iha Díli, ha’u la aseita bainhira labele halo uma ba PN, la’ós halo uma ba depuatu, halo uma ba PN deputadu sira sei hela. Ha’u atu klarifika uluk lai vizaun ne’ebé Prezidente PN hato’o ona la signifika tenke ezekuta, maibé sei halo diskusaun iha reuniaun líder bankada hafoin sei lori ba plenária, seidauk iha deiszaun final“, klarifika Noe.

Nune’e mós deputadu KHUNTO, Antonio Verdial, informa, nia parte konkorda vizaun ne’ebé Prezidente PN aprezenta, tanba hahú husi primeiru lejislatura to’o agora ba futuru aprezenta vizaun ne’ebé di’ak.

“Kona-bá osan alozamentu ba deputadu sira, bainhira Estadu prepara ona uma ba deputadu sira hela, kestaun deputadu sira ba ka la ba ne’e kestaun deputadu sira. Maibé tenke koa osan alozamentu, ha’u aseita tanba planu PN ni’an no agradese ho vizaun ne’ebé Prezidente PN atuál aprezenta, Estadu halo uma ne’e la’ós deputadu sira-nia, maibé uma Estadu”, tenik António.

Antes ne’e, Prezidente PN, Aniceto Guterres, katak, vizaun atu harii edifísiu foun PN pakote ho rezidénsia ba deputadu sira ho intensaun atu reduz gastus subsídiu ba deputadu sira, tanba kada lejislatura Estadu tenke gasta USD tokon 1 resin ba alozamentu deputadu sira ni’an. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker