GMN TV Politika Aldeia 01, suku Caicoli, sai fatin fixu hari’i edifísiu foun PN

Aldeia 01, suku Caicoli, sai fatin fixu hari’i edifísiu foun PN

929 views

Ekipa Parlamentu Nasionál (PN), Diresaun Nasionál Terras no Propriedade (DNTP) no Autoridade Lokál, identifika no indika ona rai éktare balun iha Aldeia 01, Suku Caicoli, Postu Administrativu Vera Cruz, Munisípiu Díli fixu ona hodi hari’i edifísiu foun PN nian.

Prezidente Parlamentu Nasionál (PPN), Aniceto Guterres Lopes informa, dadaun ne’e prepara hela ba faze dezeñu no halo estudu viabilidade, no hein atribuisaun ofisiál hosi Governu.

Futuru edifísiu PN ne’e, sei okupa hosi área Ministériu Solidariedade Sosiál no Inkluzaun (MSSI) nia kotuk, to’o iha eis edifísiu World Vision nian.

Tanba ne’e PN aprova ona rezolusaun ida hodi reforsa polítikamente ba prosesu harii edifísiu foun ne’e, aprovadu ho votu a favór 34 kontra 0 no abstensaun 0.

“Prosesu ne’e liga ho desizaun polítika oituan para forte liu-tan, tanba ho  rezolusaun ida ne’e, bele reforsa liu ba  oin, para prosesu ne’e bele la’o dadauk ona” informa PPN, Aniceto Guterres, iha PN (11/08).

Iha Orsamentu Jerál Estadu tinan 2021, PN propoin osan millaun USD 3,  maibé sofre millaun USD 2.5 iha alterasaun orsamentu retifikativu tinan ne’e, nune’e hela de’it rihun USD 500.Say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker