GMN TV Politika Eletrisidade lakan-mate Governu muda estatutu ba EDTL,EP “saugate deit”

Eletrisidade lakan-mate Governu muda estatutu ba EDTL,EP “saugate deit”

92 views

Parlamentu Nasionál (PN) kestiona, iha suku no postu administrativu balu, eletrisidade kontinua lakan mate iha tempu loron no kalan.

Deputada bankada CNRT, Fernanda Lay, hatete, Governu muda estatutu Eletrisidade Timor-Leste (EDTL) hosi Estatal ba Empreza Públika (EP) (EDTL,EP) ne’e saugate deit, tanba atu hadi’ak de’it saláriu ba dirijente sira, maibé populasaun kontinua enfrenta problema kona-bá eletrisidade.

“Iha fim de semana, ami ba iha postu administrativu ho suku, sustentabilidade ahi iha ne’ebá laiha, semana tomak ahi mate, iha suku balun ne’ebé ami to’o iha ne’ebá, ahi mate tanba sa? se EDTL sai tiha EP para mantein. Funsionáriu atus ida resin ne’ebé ita hasai tiha, tanba dehan sira nia grau koñesimentu la hanesan. Mas pelo menus ita kompriende katak kompañia estatal, tenke iha mudansa iha atendimentu, não vale e que vale, se atu hasa’e de’it saláriu ba dirijente sira nian. Ha’u hanoin ne’e Governu tenke haree didi’ak,” kestiona deputada opozisaun CNRT ne’e iha PN, semana ne’e.

Reprezentante Governu, Sekretáriu Estadu Komunikasaun Sosiál, Merício Juvenal dos Reis Akara, observa, muda estatutu EDTL hosi Estatal ba Empreza públika ne’e diak liu, tanba independénsia no jere rasik.

“Tuir perspetiva Governu nian, agora mak diak liu, tanba sira (EDTL,EP) iha independénsia, no sira iha desizaun rasik hodi halo atendimentu. EDTL,EP sempre fó sai informasaun ofisiál ne’ebé mak lansa liu hosi media sosiál hotu-hotu, mate tanba saida? la lakan tanba saida? informasaun ne’e klaru kedas iha ne’ebá” klarifika Akara.

Dadus ne’ebé relata husi Prezidente EDTL-EP, Paúlo da Silva hatete, iha suku 70 iha Timor Leste seidauk asesu ba liña elétrika. No EDTL, EP lansa ona tenderizasaun ba projetu instala liña elétrika, no dadaun ne’e iha ona faze avaliasaun ba suku 35.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker