GMN TV Politika Embaixadór foun tenke hatudu kapasidade

Embaixadór foun tenke hatudu kapasidade

72 views

Prezidente Repúblika (PR), Francisco Guterres Lú Olo, fó ona pose ba diplomata na’in haat, ne’ebé sei asume knaar foun nu’udar embaixadór iha Corea do Sul, Vietnam, Suiça no misaun Comunidade dos Países de Língua Portuguesa (CPLP).

Xefe Estadu apela ba embaixadór foun sira ne’e, atu hatudu kapasidade no koñesimentu ne’ebé iha, hodi hametin liu-tan kooperasaun Estadu Timor-Leste nian ho nasaun ne’ebé hala’o servisu ba.

No esforsu hodi dada investimentu mai territóriu nasionál, atu haburas liu tan ekonomia no politika, inklui infrasetrutra rai laran.

‘’Estadu liu-liu Prezidente Repúblika, konfia iha imi ida-idak nia mandatu atu reprezenta ita nia país. Ha’u lara metin tebes katak imi ida-idak sei haka’as oinsá de’it atu halo servisu di’ak liu ba ita nia nasaun” dehan PR, iha nia diskursu, tomada posse ba Embaixadór na’in haat, ne’e iha Palásiu  Prezidensiál Bairo-Pité Díli, Sesta (13/08).

Embaixadór TL ba Vietnam, Maria Olandina Caeiro Alves, hatete, sei responsabiliza knaar tomak ne’ebé simu, koopera ho nasaun ne’ebé hala’o kanaar ba, atu apoiu dezenvolvimentu Estadu nian iha setór hotu.

“Ba ha’u la’os previlijiu, maibé ne’e responsabilidade ida ne’ebé ha’u-nia Estdu hakarak fó ba ha’u. Ha’u sei esforus-aan hodi halo hotu saida mak ha’u simu’’ tenik Embaxadora ne’e.

Kona-ba oráriu deslokasaun embaixadór na’in haat ne’e, seidauk fixu, tanba seidauk iha vou komersiál ruma mai territóriu”tanba aviaun la iha, sedu liu iha Setembru, sira aranka” konfirma Ministra Negósiu Estranjeiru no Kooperasaun.

Embaxadór ne’ebé simu pose husi xefe estadu atu reprezenta estadu Timor Leste iha rai liur mak hanesan, Gregorio Sousa, nu’udar embaixadór TL ba Súl Corea, Maria Olandina Caeiro, embaixadóra ba Vietname, Marina Ribeiro Alkatiri, sei hala’o misaun TL nian iha CPLP, Lurdes  Bessa sei  hala’o misaun Estadu nian iha Jenebra Suiça.Dms


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker