GMN TV Politika Governu aplika konfinamentu obrigatóriu iha Díli

Governu aplika konfinamentu obrigatóriu iha Díli

91 views

Reuniaun Konsellu Ministru (KM) aprova rezolusaun Governu, hodi aplika medida Konfinamentu Domisiliáriu Jerál (KDJ) iha Munisípiu Díli ba semana ida, bazeia ba pedidu husi Sentru Integradu Jestaun Krize (SIJK), tanba númeru COVID-19 aumenta kada loron.

Rezolusaun ne’e sei tama iha vigór iha 00:00 Oras Timor Leste (OTL), loron 27 fulan-Agostu, to’o oras 23:59, loron 2 fulan, Setembru tinan ne’e.

“Tanba sa mak Governu halo hanesan ne’e, tanba hasoru Variante Delta ne’e, ita tenki foti medida drástica ida,” dehan Minístru Prezidénsia Konsellu Ministru, Fidelis Leite Magalahes, iha Díli Kuarta (25/08).

Medida ne’ebé Governu impoin, sei limite movimentu sidadaun hotu ne’ebé hela iha Munisípiu Díli, labele sai husi uma, bainhira laiha nesesidade importante.

Bandu mós sirkulasaun transporte públiku sira hanesan taxi, microlete, biskota no anguna. Suspende atividade relijiozu koletivu, serimónia fúnebre ne’ebé envolve ema na’i sanulu ba leten.

Karik partisipa, tenke uza máskra, mantein distansiamentu sosiál, uza máskara, fase liman no regra seluk tan ne’ebé Ministériu Saúde (MS) no Organizasaun Mundiál Saúde (OMS) hatúr.

“Exetu iha situasaun ne’ebé prevee iha diploma ne’e, liu-liu razaun saúde, servisu, asesu ba sasán no servisu nesesidade bázika nian, no simu vasina kontra COVID-19” dehan governante ne’e.

Maibé atividade fahan ai-han no nesessidade báziku sira, kontinua loke hanesan merkadu sira, fatin fa’an pulsa elétrika, telekomunikasaun, prestasaun kuidadu médiku, farmásia, fatin kombustivel, no instituisaun finanseira sira kontinua loke, nomós vendedór ambulante mantein sira-nia atividade, merkadu Manleuana no Taibessi, mantein funsionamentu, maibé loke husi tuku 6 dadeer to’o tuku 6 loro-kraik.

Governu mós aprova projetu rezolusaun Governu, hodi mantein KDJ iha Postu Administrativu Ermera Villa no Railaku Múnisipiu Ermera to’o loron 1, fulan Setembru tinan ne’e.

Múnisipiu Baucau no Covalima impoin SS ba loron 14

Alénde ne’e, KM mós aprova rezolusaun hodi impoin Sérka Sanitária (SS), iha Munísipiu Baucau no Covalima ba semana rua, ho razaun ne’ebé hanesan.

Medida SS ne’e tama iha vigór, hahú iha loron 26, 00:00 OTL fulan ne’e, no sei remata iha 11:59 OTL, loron 8, fulan Setembru tinan ne’e.

“Ohin mós konsellu Ministru inpoin tan Serka Sanitária iha Múnisipiu Covalima no Múnisipiu Baucau, serka Sanitária iha múnisipiu rua ne’e” dehan Fidelis.

KM mós kontinua renova medida SS iha Munisípiu Díli no Ermera, hahú loron 25, fulan ne’e, no hakotu iha loron 13, fulan Setembru, tinan ne’e.

Suku Naimeco, Postu Administrativu Pante Makasar no Suku Bobometo, Postu Administrativo Oesilo, Rejiaun Administrativa Espesiál Oecusse Ambeno (REAOA) matein SS husi loron 25, fulan ne’e, to’o loron 8 fulan Setembru tinan ne’e.

Atualizasaun dadus husi SIJK ba loron 25, fulan ne’e, rejista kazu konfirmadu foun hamutuk 361, (Díli 270, Baucau 28, Bobonaro 12, Ainaro 10, munisípiu seluk 41), no kazu rekuperadu 124, kazu ativu 4.052, totál kazu komulativu konfirmadu 15.296, no rejista mós kazu óbitu COVID-19 1+51 (52).Ags


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker