Governu liu hosi reuniaun interministeriál, hahú diskute ona medida foun sira ba nova normalidade “new normal”, nune’e Timor-Leste bele livre ona husi kalamidade públika ne’e.
Vise Primeiru Ministru, Armanda Berta dos Santos, hateten, reuniaun interministeriál ne’e seidauk iha desizaun serteza ruma kona-ba nova normalidade, maibé sei kontinua fali iha tempu tuir mai.
“Ita sei haree fila-fali medida sira ne’e hotu, oinsá para atu bele sai ba normalidade, entaun sei haree fila-fali hodi deskute hamutuk hanoin sira ne’e” informa Armanda Berta, iha Díli Tersa (10/08).
Medida balun ne’ebé antes ne’e governu aplika ona mak programa imunizasaun kontra COVID-19, ne’ebé implementa husi ona Ministériu Saúde ba komunidade hotu, maibé seidauk atinje %50.
Atualizasaun dadus vasina husi Sentru Integradu Jestau Krize (SIJK) hatudu, iha territóriu nasionál, foin atinje 42,7%.Eca
