GMN TV Politika Hela deit porsentu 20, Governu implementa new normal

Hela deit porsentu 20, Governu implementa new normal

393 views

Primeiru Ministru (PM), Taur Matan Ruak, promete ba Parlamentu Nasionál (PN) katak, sidadaun ne’ebé vasina atinji ona porsentu 70, Governu sei la ba tan PN hodi husu estensaun ba Estadu Emerjénsia (EE).

Atualizasaun dadus ne’ebé SIJK relata ba loron 24, fulan ne’e hatudu, ba territóriu nasionál sidadaun ne’ebé vasina ona doze dahuluk atinje ona 49.1% (370.300), no doze daruak foin atinje 23.0% (173.875).

Husi dadus ne’e, signifika hela deit porsentu 20 Governu sei implementa new normal, tuir promesa Governu nia. Tan ne’e, Governu aposta maka’as iha programa imunizasaun ba sidadaun hotu, hodi atinje tárjetu ne’ebé Xefe Governu rasik promete.

Implementasaun Estadu Emerjénsia, ha’u fó instrusaun ba Konsellu Ministru, ka depois ita atinji 70 porsentu vasina, ha’u la mai tan husu estadu emerjénsia,”dehan Xefe Governu, iha debate estensaun, Estadu Emerjénsia ba da-17, Tersa (24/08) iha PN.

Iha loron 11, fulan Agostu ne’e, PM mós promete ona katak, posibilidade iha fulan Outubru, Governu sei hapara EE, bainhira populasaun kompleta ona vasina dahuluk no daruak.

Tanba argumentu Eis Jenerál ne’e nia katak, vasina mak instrumentu efikás liu kombate coronavirus iha mundu.

“Ita hatene katak, vasina mak instrumentu efikás liu hodi prevene no kombate kazu sira ne’ebé grave liu moras ne’e nian” tenik Matan Ruak.

Taur mós apela ba deputadu sira, atu poiu Governu iha sensibilizasaun kona-ba programa imunizasaun ba populasaun tomak, nune’e bele aplika fali nova normalidade.

SIJK husu Governu implementa KO iha territóriu nasionál

Maske Governu prefere populasaun tomak kompleta vasina porsentu 70 hodi hakat ba nova normalidade, maibé Sala Situasaun Sentru Integradu Jestaun Krize (SIJK), propoin atu Governu aplika medida Konfinamentu Obrigatóriu (KO), iha territóriu nasionál, tanba iha semana ikus ne’e, númeru infetadu COVID-19 sa’e drástika, liu-liu iha kapitál Díli nomós rejista variante Delta hamutuk 38.

“Ami propoin atu husu Konfinamentu Obrigatoriu, tanba ita haree númeru kazu semana rua ikus ne’e, sa’e maka’as, no dalan úniku mak ne’e, oinsa bele hapara transmisaun,” deklara Koordenadór Pílar VII, Nilton do Carmo da Silva, iha PN Tersa (24/08).

Atualizasaun dadus husi SIJK ba loron Tersa (24/08) hatudu, kazu konfirmadu foun COVID-19 532, kazu rekoperadu 97, kazu ativu 3.816, kazu komulativu konfirmadu 14.935 no kazu óbitu foun 2+49 (51).Ags


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker