GMN TV Politika Jere sala rekursu Estadu, governante sei ba kadeia

Jere sala rekursu Estadu, governante sei ba kadeia

532 views

Primeiru Ministru (PM), Taur Matan Ruak, afirma, membru VIII Governu ne’ebé mak jere sala Estadu nia sasán, sei tama kadeia.

“Primeiru iha aktu hotu-hotu kuandu membru Governu kuandu sala, nia tenke responsabiliza nia aktu, tanba nia jere bem públiku ne’ebé mak nia halo tanba nia ukun. Dalan Ida ne’e akontese mak aprovasaun lei KAK. Parlamentu Nasionál primeira vez aprova lei KAK ne’e hatudu saida? primeiru sala, nia ba kadeia, governante sira sala ba kadeia para sira responsabiliza,” dehan Xefe Governu Taur Matan Ruak, nia diskursu iha ámbitu retiru nasionál ho sosiedade sivíl Sábadu (21/08), iha Uaibitae, Postu Administrativu Quilicai, Munisípiu Baucau.

Nia dehan tan, prosesu transparánsia, buat ne’ebé mak halo laiha segredu, “segredu so seguransa ba nasaun nian deit, mas restu ne’e laiha segredu” tenik Taur.

Dadauk ne’e, membru VIII Governu ne’ebé mak lidera husi  Primeiru Ministru Taur Matan Ruak, hamutuk haat nulu resin tolu.

Parabens ba loron FALINTIL

Nune’e mos, eis Jenerál no atuál Primeiru Ministru (PM), Taur Matan Ruak, fó parabéns ba populasaun Timor-Leste tomak ne’ebé selebra aniversáriu Forsa Armada Libertasaun Nasional Timor-Leste (FALINTIL) da- 46 ne’ebé monu iha loron Sesta (20/08).

“Ha’u hakarak parabens Timor-oan tomak, tanba iha fulan Agostu espesiál tebes ba ita, tanba iha loron 20 Agustu ita komemora loron FALINTIL ba dala-46,” kongratula PM Taur liu husi diskrusu, iha ámbitu retiru nasionál entre sosiedade sivíl ho VIII Governu Sábadu (21/08) iha Uaibitae, Quelicai.

Xefe Governu dehan, Timor-oan hotu hatene katak FALINTIL mak liman kroat ne’ebé parseiru ho populasaun, hodi funu hasoru militar Indonesia durante tinan 24 nia laran, “Iha tinan 1975 ita hahu hari FALINTIL, no ita ho forsa hamutuk,”dehan nia.Avi


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker