GMN TV Politika Menus fasilidade iha izolamentu, la’ós kulpa Governu anterior

Menus fasilidade iha izolamentu, la’ós kulpa Governu anterior

55 views

Parlamentu Nasionál (PN), liu hosi Deputadu Bankada CNRT, Duarte Nunes hetete, sentru izolamentu Vera Cruz no Lahane menus fasilidade saúde hodi atende pasiente COVID-19, ne’e la’os kulpa Governu anterior nia, ne’ebé lidera husi partidu CNRT.

“Uluk COVID mai iha sa tinan, Governu anterior ne’e iha sa tinan mak Governu la tau fasilidade COVID ne’e, agora ita dun ba ema. Buat ida uluk ami aprende iha ai-laran mak ne’e, nia krítika dehan hau sala, hau sala, hau hadia” dehan Xefe Bankada CNRT, ba Jornalista sira, Kuarta (25/08).

Problema fasilidade iha sala izolamentu Vera Cruz no Lahane mak hanesan oxijéniu, fasilidade saúde ba proteje pesoál saúde hodi atende pasiente COVID-19 la sufisiente.

Mesmu kontinua sentru izolamentu sira ne’e hasoru difikuldade, maibé relatóriu Ministériu Finansa nia ne’ebé publika iha loron 17, fulan ne’e katak, taxa ezekusaun fundu COVID-19 atinje ona millaun USD 100 resin ka 35%, husi orsamentu retifikativu alokadu millaun USD 287.6.

Taxa ezekusaun tuir klasifikasaun ekonómiku aas liu, iha kategoria transferénsia públika, ne’ebé ezekuta ona, millaun USD 31.2, husi orsamentu alokadu millaun USD 81.2.

Ezekusaun ba bens no servisu, ezekuta ona millaun USD 67.4, husi orsamentu alokadu millaun USD 194.5.

Enkuantu kapitál menór, ezekuta ona rihun USD 675.000, husi orsamentu alokadu, millaun USD 3.7. Kapitál dezenvolvimentu, ezekuta ona, rihun USD 782.600, husi orsamentu alokadu millaun USD 8.1.Eca


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker