GMN TV Politika Órgaun eleitorál tenke garante liberdade sidadaun iha eleisaun

Órgaun eleitorál tenke garante liberdade sidadaun iha eleisaun

42 views

Prezidente Parlamentu Nasionál (PPN), Aniceto Guterres Lopes, husu Komisaun Nasionál Eleisaun (CNE-sígla portugés) atu tetu impliksaun sira hosi COVID-19, no rekomenda ba órgaun eleitorál sira atu garante direitu no liberdade ba sidadaun sira iha tempu eleisaun.

Tanba iha demokrasia reprezentativa, eleisaun nu’udar momentu oportunu ba sidadaun sira atu hato’o sira nia espetativa, sira nia opsaun polítika no depozita konfiansa líder ne’ebé atu lidera Estadu no assume kargu polítiku hodi reprezenta povu.

No bainhira povu lakon nia vontade atu fó nia opsaun polítika, depozita nia konfiansa, Estadu hahú tama iha perigu, lakon  lejitimidade.

“Ne’e duni presiza koordenasaun no kolaborasaun di’akliu tan entre instituisaun no pesoál servisu sira iha terrenu, no garante nafatin pesoál hotu ne’ebé servisu atu labele lakon direitu, responsabilidade mós ba saúde públiku” apela Aniceto Guterres iha diskursu, bainhira fó pose ba Prezidente no Komisáriu foun CNE, iha PN, Segunda (16/08).

Prezidente foun CNE, José Agostinho Belo, promete,  sei hala’o servisu ho responsabilidade no imparsialidade, hodi garante eleisaun ida demokrátiku tuir lei haruka.

“Fiar ida ne’e ami sei tau iha ami nia kbas, la’ós hau mesak, tanba CNE servidór Estadu, servidór demokrasia, ami iha na’in hitu kedas, órgaun ida ne’e ho karakter koleziál, desizaun sira ne’ebé sei foti, ligadu ho aktu eleitorál sei liuhosi plenária” promete Prezidente foun CNE.

Kestaun administrasaun públika, ne’e kompetensia Servisu Tékniku Administrasaun Eleitoral (STAE). Tanba ne’e, susesu STAE ho CNE ne’e presiza iha kolaborasaun di’ak.

Tuir kalendáriu, Timor-Leste sei hasoru eleisaun rua hanesan eleisaun prezidensiál iha tinan 2022, no eleisaun parlamentár iha tinan 2023.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker