Ministru Asuntu Kombatente Libertasaun Nasionál (MAKLN), Júlio Sarmento da Costa ’Meta Malik’ informa, Primeiru Ministru (PM), Taur Matan Ruak ho Prezidente Repúblika (PR) Francisco Guterres Lú Olo mak desidi fatin Arte Moris Comoro, ba fatin atu harii edifísiu Konsellu Kombatente Libertasaun Nasionál (KKLN).
“Ami so hatene deit katak, Prezidenti Repúblika, Primeiru Ministru entrega fatin ne’e ba Konsellu Veteranu,” dehan Governante ne’e, ba JNDIÁRIO, iha Bebora Díli Tersa (24/08).
Ministériu Justisa (MJ) liu hosi Diresaun Nasionál Terras no Propriedade (DNTP) mós hasain ona karta notifikasaun, ba sidadaun hirak ne’ebé hela iha Arte Moris, atu husik mamuk ona fatin ne’e.
Tanba ne’e, Governu prepara ona orsamnetu, hodi reabilita ba edifisiu Arte Moris ne’e, nakfilak ba edifísiu KKLN iha tempu besik.
“Ami iha ema besik na’in 15, família iha ne’eba ami prepara osan rihun 2 kada ema, hodi reabilita” tenik nia.
Antes ne’e, Arte Moris hamutuk ho Organizasaun Rede ba Rai, husu Governu atu solusiona lalais preokupasaun sira, kona-ba atu reabilita fatin Arte Moris ba KKLN.
Enkuantu fatin ne’ebé Arte Moris hakarak mak edifisiu Worl Vision Caicoli, eis gedung Dolog iha Colmera, mesmu DNTPP indika ona armazen Bebora, maibé Arte Moris rasik rejeita, tanba fatin la favorável.Dms
