GMN TV Politika TL vota kontra EUA blokeia ekonomia Cuba

TL vota kontra EUA blokeia ekonomia Cuba

226 views

Eis Prezidente Repúblika, José Ramos Horta, hateten, Timor-Leste (TL) vota kontra Estadu Unidu Amérika (EUA) nia polítika blokeia ekonomia ba Estadu Cuba, hahú kedas iha tinan 2002, Governu tranzisaun nian, tanba ne’e nu’udar polítika nasionál Estadu nian ne’ebé labele muda.

“Polítika Timor-Leste nia hahú husi restaurasaun independénsia iha tinan 2002 mak ne’e no la muda Governu Timor-Leste, Primeiru Ministru, Prezidente Repúblika, Parlamentu kompletu ho sosiedade sivíl, hotu-hotu kontra embargo ekonómiku kontra Cuba, ne’e polítika nasionál ho Prezidenti hotu-hotu, hahú ho Maun Boot Xanana Gusmão, depois ha’u rasik depois Taur Matan Ruak, depois Prezidente Lú Olo, Primeiru Ministru, Mari Alkatiri, Primeiru Ministru, Xanana Gusmão, Rui Maria de Araújo, Primeiru Ministru Taur Matan Ruak to’o ohin la muda ida ne’e” hatete Eis Xefe Estadu ne’e, hafoin partisipa selebrasaun aniversáriu komandante em xefe Fidel Castro Ruz, ba dala 95, no aniversáriu Asosiasaun Amizade TL ho Cuba ba dala 13, iha Faról-Díli, Sesta (13/08).

Laúreadu Nobel ba Paz ne’e esplika, mesmu pozisaun ne’e sai impaktu boot ba TL nian iha nasoens unidas, maibé la hakotu relasaun TL ho Amérika.

Tanba to’o ohin loron, Amérika nafatin apoia área defeza no seguransa, ekonómiku, infrastruturas no seluk tan.

“Pozisaun ne’e bele impaktu boot mai ita maibé ha’u la fiar, tanba Timor mós iha apoiu barak iha kongresu amerikanu no estadu unidus,” afirma Horta.

Sekretáriu Embaixada Cuba iha TL, José Ernesto,  haksolok ho solidaridade TL nian ba povu no estadu Cuba, iha situasaun difisil sira.

“Embaixada Cuba iha Timor-Leste no povu Cubanu sente orgulhu no agradese ba atividade no solidariedade Timor-Leste nia ba Cuba,” orgullu diplomata ne’e.

EUA embargo komérsiu no ekonómiku Estadu Cuba, hahú iha tinan 1960, bainhira Fidel Castro deside halo revolusaun, nu’udar polítika Cuba nian hasoru Amérika, hodi nasionaliza projetu refinária (kilang minyak), ne’ebé maioria okupa husi empreza EUA.

Nune’e Prezidente Eisenhower mós hapara kedas importasaun masin-midar, ne’ebé sai poténsia ekonómiku Cuba nian 61% ba Amérika.Axs


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker