GMN TV Politika Vasina AstraZeneca husi Japaun “kualidade”

Vasina AstraZeneca husi Japaun “kualidade”

97 views

Ministra Negósiu Estranjeiru no Kooperasaun (MNEC-sígla portugés) Adaljiza Magno, garante katak, vasina doze 168.000 ne’ebé apoiu husi Governu Japaun, iha kualidade diak, tanba hetan teste husi laboratóriu internasionál.

Vasina ne’e oferese husi Governu Japaun no servisu hamutuk ho Aliansa Vasina Mundiál (GAVI-sígla ingles) no COVAX facility, ne’ebé sira nia objetivu mak fornese vasina kontra COVID-19 iha mundu tomak.

“Sira iha laboratóriu ne’ebé mellor iha mundu, sira mak teste ona katak vasina sira ne’e diak mak haruka mai, entaun ita bele hatete katak ne’e garante nia kualidade” dehan Governante ne’e, hafoin Governu Japaun entrega vasina doze ida resin ne’e ba Governu TL, iha MNEC, Praia dos Coqueiros Díli, Segunda (16/08).

Vasina AstraZeneca ne’ebé oferese, fábrika duni iha Japaun ne’e, no hetan sertifikasaun husi Organizasaun Mundiál Saúde (OMS).

Vasina ne’ebé parseiru internasionál sira apoiu mai Timor Leste to’o iha Segunda, loron 15, fulan Agustu, tinan ne’e kompostu Austrália apoia doze 557.580, Novazelándia 24.000, COVAX 1.800, Portugál 12.000, Xina 100.000 no Japaun 168.000, ho totál vasina doze 863.380.

Atualizasaun dadus vasina iha Munisípiu Díli doze dahuluk atinje ona 71.2%, no doze daruak foin atinje 50.3%. Ba territóriu nasionál doze dahuluk atinje 45.6%, no doze daruak atinje 17.8%, ho númeru populasaun (doze dahuluk no daruak 478.399).Eca


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker