GMN TV Politika Veteranu tenke sai edukadór ba jerasaun foun

Veteranu tenke sai edukadór ba jerasaun foun

38 views

Iha komemorasaun loron FALINTIL ba dala 46, Prezidente Parlamentu Nasional, Aniceto Guterres Lopes, husu veteranu hotu iha Timor-Leste atu sai edukadór ba jerasaun foun, nune’e sai sidadaun sai sidadaun ne’ebé síviku no responsável ba povu no Estadu tuir espíritu FALINTIL nian.

“Hamutuk ho Prezidente Repúblika Francisco Guterres Lú Olo ho Primeiru Ministru Taur Matan Ruak, ita husu ba Ministériu Asuntu Kombatentes libertasaun nasionál atu servisu hamutuk ho konsellu kombatente libertasaun nasionál oinsá integra sobrevivente sira iha programa dezenvolvimentu Timor-Leste, nu’udar ajente ativu sira iha prosesu dezenvolvimentu sosiu-ekonómiku, no eduka ita nia ema sai sidadaun síviku no responsavél ba povu no Estadu ho espíritu FALINTIL nian,” hatete Prezidente Parlamentu, Aniceto Guterres Lopes, nu’udar reprezentante Xefe Estadu, hodi hato’o diskursu iha komemorasaun loron FALINTIL.

Xefi orgaun lejislador ne’e rekomenda ba Ministériu ba Assuntu Kombatente no Libertasaun Nasional (MAKLN) no Konsellu Kombatente Libertasaun Nasionál, dezenvolve fatin gerileiru sira nia no fatin istóriku sira seluk, atu sai ponte aprendijazem no inspira foin-sae sira, atu hatene lala’ok luta ba libertasaun nian.

“Hau husu ba ministériu relevante sira no parseiru sira atu tulun konsellu kombatente libertasaun nasionál no sentru Chega hodi dezenvolve fatin sira ne’e sai fatin turístiku, atu bele dada turista sira husi rai liur mai vizita, hodi kontribui ba reseitas estadu,” dehan nia.

Dadaun ne’e, Konsellu Kombatente Libertasaun Nasional hala’o hela verifikasaun dadus ba kombatente ne’ebé rejistadu iha tinan 2009, Xefe Órgaun lejisladór ne’e espera iha tempu badak bele remata servisu, hodi hetan dadus ne’ebé validade.

Iha komemorasaun loron FALINTIL ba dala 46, komandu F-FDTL promove mós promosaun diviza ba membru hamutuk na’in 19 ba Alferis no Segundu Tanente.

Membru hirak ne’e mai husi Komponente Navál nain-lima, Komponente Apoiu Servisu nain-rua, Komponente Terrestre nain-rua, Komponente Formasaun no Terrenu nain-ida, Polísia Militár nain-tolu no Komponente Aéreo nain-lima.Nty


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker