GMN TV Politika ANICETO GUTERRES ELEITU BA PREZIDENTI PARLAMENTU NASIONAL

ANICETO GUTERRES ELEITU BA PREZIDENTI PARLAMENTU NASIONAL

1 views

Deputadu foun nain 65 iha IV lejislatura eleje Prezidente Parlamento Nasional (PPN) foun Aniceto Guterres, husi bankada Partidu Frente Revolusionária de Timor-Leste Independente (FRETILIN) Aniceto Guterres, ba periodu tinan lima (2017-2022).

Liu husi eleisaun sekreta ne’e Aniceto Guterres hetan votus 33 no  kandidatu Aderito Hugo da Costa husi bankada CNRT hetan votus 32. Aniceto Guterres eleitu ba kargu Prezidenti Parlamento Nasional ne’e liu husi eleisaun sekreta ne’ebe hala’o iha loron Tersa-feira (05/09/2017) kalan oras tuku 22:00 Otl hafoin tomada de posse ba membru PN foun, no diskusaun lubuk konaba oinsa eleisaun tuir rejimentu, ne’ebe mak lidera husi prezidente Parlamento Nasional sesante, Aderito Hugo da Costa. Durante diskusaun ne’e, bankada CNRT no PLP hakarak atu hala’o eleisaun hafoin oras 24, entretantu bankada FRETILIN, PD no KHUNTO defende idea hala’o eleisasaun imediatamente. Maske bankada opozisaun rua firmi ho sira nia pozisaun atu hala’o votasaun hafoin oras 24 tuir rejimentu haruka, to’o ikus tenke tuir desizaun Prezidente Parlamentu  Nasional sesante Aderito Hugo da Costa hodi hala’o kedas eleisaun horikalan. Iha nia deklarasaun polítika, Prezidenti Parlamentu eleitu, Aniceto Guterres hato’o ninia agradesimentu ba deputadu sira ne’ebé fó ona konfiansa ba nia hodi lidera meja Parlamentu Nasionál ba tinan lima. “Ha’u interpreta konfiansa ida ne’e ho responsabilidade bo’ot, no ha’u kaer metin responsabilidade ida ne’e. Ha’u sei sai prezidenti Parlamentu ba bankada tomak iha PN, no la’os atu sai prezidenti ba bankada ka partidu ida iha uma fukun parlamentu nasionál, ka koligasaun ruma,” tenik Aniceto Guterres. Depuatdu husi bankada FRETILIN ne’e promete sei sai Prezidenti hala’o nia kna’ar ho dedikasaun no kuidadu ho intrese nasionál. Aniceito haktuir, nia sei servisu hamutuk ho membru Parlamentu sira, ho maneira hanesan ba hot-hotu, no transparensia. “La haluna atu sauda ha’u nia ilustria ba ha’u nia susesor sira iha fatin aas Prezidensia Parlamentu ne’e nian, hahú kedas husi Prezidenti Francisco Guterres Lu-Olo, saudozu Fernando La Sama, Vicente Guterres ho Aderito Hugo da Costa. Sira hotu assume profesionalidade nu’udar ema intelektual no polítiku. Ha’u sei fó onra nafatin ba buat hotu ne’ebé diak ne’ebé sira husik hela ba lejislatura ida ne’e,” afirma Aniceto Guterres. Iha eleisaun parlamentar ne’ebe halao iha lororn 22 fulan Jullu liuba, Partidu FRETILIN sai nu’udar partidu mais votadu ho asentu parlamentar hamutuk 23, tuir fali CNRT ho kadeira 22, no partidu tolu seluk ne’ebé hetan mós asentu mak PLP, PD no KHUNTO.cos


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker