GMN TV Politika CNRT kontra VII Governu halo mudansa ba tinan finanseiru

CNRT kontra VII Governu halo mudansa ba tinan finanseiru

0 views

Bankada opozisaun CNRT iha Parlamentu Nasionál, la aseita atu VII Governu halo mudansa ba tinan finanseiru, tanba mudansa tinan finanseiru ne’e bele fó impaktu sériu ba jestaun finansas públika.

Tuir deklarasaun polítika bankada CNRT  nian ne’ebé lee husi deputadu Jacinto Rigoberto  iha plenária PN, Tersa (26/09) katak, Governasaun ida-idak mai ho ninia polítika rasik hodi oferese dezenvolvimentu ba povu nia moris, maibé pontu devista bankada CNRT nian, mudansa ruma ba planu hirak ne’e tenki bazeia ba fundamentu ida razoavel, atu nune’e labele prejudika fali prosesu dezenvolvimentu.

“Hakarak akresenta katak, tuir lolos ita la presiza halo mudansa ba tinan finanseira, tanba sei iha orsamentu dua-désimu ne’ebé sufisiente hodi sustenta mákina Estadu nian, ba durasaun tempu fulan rua nia laran,”katak Jacinto Rigoberto.

Nia haktuir, liu husi deklarasaun polítika ne’e, nia  lori bankada CNRT nia naran atu hato’o hanoin na bankada  hotu iha PN kona ba inisiativa ka planu hodi halo mudansa ba siklu tinan finanseira ne’ebé bankada FRETILIN hato’o ona iha tempu hira liu ba, iha plenária PN.

“Ko’alia iha kontekstu ida ne’e mak, planu atu halo mudansa ba siklu tinan finanseiru nian, hanesan ita hotu hatene katak, uluk tinan finanseiru Timor Leste nian, sempre hahú loron 1 Juñu, to’o iha 31 Jullu, ne’ebé muda tiha ona husi IV Governu konstitusionál ba loron 1 Janeiru to’o 31 Desembru,” afirma Jacinto Rigoberto.

Nia hatutan, mudansa ne’e bazeia ba fundamentu ida forte katak, durante tinan  finanseiru, Governu presiza tempu sufisiente hodi halo preparasaun dokumentus kontratu no halo prosesu tender ba projetu infra-estrutura sira, nu’udar indikador prinsipal husi prosesu ezekusaun orsamentu Estadu nian.

“Situasaun ne’e, afeta sériu ba prosesu ezekusaun orsamentu nian, tanba projetu infra-estrutura sira la konsege remata tuir tempu ne’ebé determinadu,” realta Rigoberto.

Nia dehan, bazeia ba situasaun real ne’ebé hato’o iha leten, IV Governu konstitusionál halo mudansa ba tinan finanseiru mai iha loron 1 Janeiru to’o 31 Dezembru, nune’e implementasaun projetu sira bele aserta lolos iha tempu bai loron, hodi evita impaktu negativu ba implementasaun no mós kualidade projetu.

“Bankada CNRT haree katak, mudansa tinan finanseiru sei afeita jestaun finansas públika ne’ebé sei implika ba kustus, tempu no lei sira hanesan, lei orsamentu no jestaun finanseira, lei fundu petroliferu, lei tribunal da kontas, rejimentu Parlamentu Nasionál nian, no bele afeita mós ba revizaun lei tributaria,” katak nia.

Rigoberto dehan, mudansa tinan finanseiru mós, bele fó impaktu sériu ba sistema jestaun finansas públika, kobransa ba reseitas, kustus, tempu no bele atraza mós informasaun ba públiku iha portal transparensia.

“Ida ne’e atu bele fó tempu ba Governu foun hodi prepara planu orsamentu foun, nune’e mós iha ona presedente ida husi pasadu katak, Ministériu Finansas iha kapasidade sufisiente hodi prepara proposta ba orsamentu retifikativu, no mós orsamentu jeral Estadu hodi debate iha Parlamentu Nasionál,”dehan nia.

Tanba ne’e bankada CNRT kontinua afirma nia pozisaun hodi mantein ho sistema ne’ebé mak iha ona, hodi kontinua ho tinan finanseira normal, husi loron 1 Janeiru to’o 31 Dezembru, atu nune’e VII Governu konstitusionál bele kontinua prepara programa orsamentu retifikativu no Orsamentu Jeral Estadu ba tinan 2018 nian.cos


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker