GMN TV Politika FRETILIN ho opozisaun laiha konkordansia ba insidensia parlamentar

FRETILIN ho opozisaun laiha konkordansia ba insidensia parlamentar

0 views

Partidu mais votadu FRETILIN, halo ona dialogu ho partidu opozisaun CNRT, PLP NO KHUNTO kona ba insidensia Parlamentar, maibé partidu opozisaun tolu ne’e ida-ida mantein nia pozisaun hanesan de’it opozisaun.

Tuir Xefi bankada KHUNTO, Bankada opozisaun tolu ne’e, la fó ona fatin ba insidensia Parlamentar, tamba FRETILIN ho Partidu Demokrátiku halo ona koligasaun hodi garante estabilidade VII Governu ne’e to’o mandatu remata.

“FRETILIN halo ona dialogu ho ami bankada tolu, maibé laiha akordu eskrita. Signifika katak, liafuan sira ne’e la tuir malu, ami mós la konkorda, no la tempu ona atu ko’alia kona ba insidensia Parlamentar,” katak Luis Roberto da Silva ba GMN iha PN, Tersa (26/09).

Nia esklarese, maneira atu partidu opozisaun tolu ne’e fó apoiu ba VII governu ne’e mak, depende ba programa FRETILIN.

Agora dadauk VII Governu, ema hatene hotu katak, sira avansa ho minoria, no FRETILIN ho PD rasik mós atu hamosu insidente Parlamentar. Maibé bankada opozisaun CNRT, PLP no KHUNTO la fó ona fatin ba insidensia Parlamentar, tanba koligasaun iha tiha ona.

“Ami nafatin opozisaun, maibé ita sei suporta malu nafatin atu asegura VII Governu ne’e,” relata Luis Roberto.

Nia haktuir, verbalmente FRETILIN halo ona dialogu ho partidu opozisaun tolu ne’e (CNRT, PLP no KHUNTO) kona ba insidensia Parlamentar, maibé partidu tolu ne’e ida-ida mantein nia pozisaun.

Nune’e mós Xefi bankada FRETILIN, Francisco Branco hateten, Governu koligasaun, insidensia Parlamentar no inkluzaun  bele hala’o dala ida. Tamba Insidensia Parlamentar FRETILIN halo ona desde Governasaun AMP no Bloku Koligasaun, tanba ne’e Governu inkluzaun no insidensia Parlamentar ne’e la’os buat foun.

“Asuntu nasionál ita tenki ultra pasa, tanba ita haree ba povu nia interese liu husi sira-nia votus iha eleisaun jeral 2017 hatudu katak, lideransa sira tenki hamutuk,” katak Branco.

Nia salienta, iha tempu badak Governu sei aprezenta nia programa iha Parlamentu, no FRETILIN sei konsulta ho forsa polítika sira hotu atu haree programa VII Governu  ne’e nian. cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker