GMN TV Politika Governu minoria, presiza apoiu deputadu opozisaun

Governu minoria, presiza apoiu deputadu opozisaun

0 views

Prezidenti bankada FRETILIN, Francisco Branco, konsienti katak, VII Governu konstitusional ne’ebé avansa ho koligasaun husi FRETILIN no PD, presija apoiu insidensia parlamentar hosi partidu opozisaun sira atu garante estabilidade governativa.

Prezidenti bankada FRETILIN, Francisco Branco, hatete  lia hirak ne’e ba jornalista sira iha uma fukun Parlamentu Nasional, Tersa (26/09/2017).

Branco konsidera, Governu minoria sei la fo risku ba estabilidade governativa, wainhira hetan apoiu konsiensia hosi bankada seluk hodi aprova programa governu nian.

“Governu minoria parlamentar ne’e la’os risku ida, tanba ita haree iha fatin seluk ema avansa ho Governu minoria, ezemplu de’it Portugal besik tinan tolu ona funsiona diak hela no dezenvolvimentu mós la’o hela ho de’it apoiu insidensia parlamentar,”hateten Branco.

   Branco rekoñese, seidauk iha konkordansia ruma ho partidu opozisaun sira hodi asina kompromisu hodi garante estabilidade, maibe importante konsensu fiar malu, tanba iha ona esperiensia insidensia anterior iha VI Governu konstitusional.

Nia afirma, partidu koligasaun sei konvense partidu opozisaun sira liu hosi programa governu nian antes aprezenta ofisialmente iha PN, sei halo konsulta hosi parte hotu hodi bele fo nia oponiaun.

“Ha’u hanoin konsiensia deputadu sira nian, hodi defende interese Estadu no dezenvolvimentu  nasional. Tanba ne’e, hotu-hotu sei vota a favor programa Governu nian sei mai. Antes mai,  ami sei aprezenta ba bankada hotu, atu nune’e sira bele estuda didiak saida mak sira hanoin atu kuriji,”katak Branco.

Iha fatin hanesan, Prezidenti bankada PD, Maria Tereza husu ba bankada opozisaun sira atu bele tau sentidu no espiritu nasionalismu no patriotismu aas liu hodi kolabora ho partidu koligasaun atu lori Governu ba oin.

Antes ne’e partidu opozisaun CNRT no PLP deklara ona katak, sira sei la involve iha insidensia parlamentar.Say


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker