Lia nain sira husi Munisipiu 12, inklui Oecusse-Ambeno, Kuarta ohin (27/9/2017), mai Palacio do Governo atu dada hikas juramentu ne’ebe Primeiru Ministru (PM) Mari Alkatiri halo iha tinan 2006.
Wainhira mosu krizi politika iha tinan neba, Prezidenti Republika (PR), José Alexandre Kayrala Xanana Gusmão, uza nia kompetensias Konstitusional hodi obriga PM Alkari rezigna husi nia kargu nudar Primeiru Ministru iha Primeiru Governu Konstitusional no sai husi Palacio Governo, ho nune’e, Alkatiri kumpri no rejigna-an duni hodi kompremete atu lakohi sai tan Primeiru Ministru (PM) iha futuru. Tanba ne’e, wainhira Alkatiri atu fila-fali ba Palacio Governo nudar Primeiru Ministru iha VII Governu Konstitusional ne’e, nia iha dever moral no kultural atu dada hikas nia prosesas sira ne’e.
“Tuir ita nia lisan Timor atu tama fila fatin refere lia nain sira tenke hamulak hodi dada fila fali ne’ebe mak uluk ita nia Primeiru Ministru Mari Alkatiri jura lakoi sai primeiru Ministru iha futuru no lakohi fila mai Palacio Governo, ”informa husi Ministru Administrasaun Estatal Velentim Ximenes, ba jornalista iha Palácio Nobre, Lahane, Dili, Tersa (26/9/2017).
Valentim Ximenes espera katak, ho ritual dad hikas juramentu ne’e bele fo fali matak-malirin atu membru Governu hotu ne’ebe servisu iha Palacio Governo bele ho susesu ba servisu povu to’o rohan mandatu.
“Juramentu ne’ebe mak uluk Primeiru Ministru halo ida ne’e kestaun husi partikular, tanba ne’e la iha kestaun ho orsamentu jeral husi Estadu, lisan ita nian no ita fo kontribuisaun rasik,” hateten Valentim Ximenes.ety
