GMN TV Politika Opozisaun la garante programa VII Governu pasa iha PN ■Branco: Deputado sira iha sentidu Estadu

Opozisaun la garante programa VII Governu pasa iha PN ■Branco: Deputado sira iha sentidu Estadu

0 views

Partidu opozisaun iha Parlamentu Nasionál (PN) hatete sira la garante programa VII Governu nian atu pasa iha PN, tanba partidu polítika sira ne’ebé hetan asentu iha PN ne’e, ida-idak iha nia polítika rasik.

Deputadu Mericio Akara husi bankada PLP hateten, opozisaun la’os atu tongka Governu, maibé atu kritika saida mak la’o lalos.

“Programa Governu labele ami opozisaun mak garantia fali, atu garantia ne’e koligasaun. Opozisaun la’os hanesan aitongka fali ida ne’e, aitongka ne’e koligasaun ka PD mak bele tongka,” katak Mericio Akara.

Nia hatutan, bainhira Governu aprezenta nia programa ba Parlamentu Nasionál, PLP sei estuda didiak programa ne’e, tanba PLP sei mantein nia pozisaun hanesan opozisaun iha Parlamentu Nasionál.

Mericio Akara dehan, kna’ar opozisaun ne’e atu halo balansu no sai alternativu ba Governu, inklui mós halo kontrolu ba programa Governu nian.

“Kualker programa ka orsamentu ne’ebé mak Governu aprezenta, ami sei haree, ami sei diskuti no analiza programa husi Governu nian. Bainhira programa iha ami nia liman ona, ami foin estuda atu fó ami nia alternative,” tenik nia.

Tuir PLP nia hakarak ba programa ne’ebé mak importante atu Governu ne’e implementa mak, fó prioridade uluk ba infra-estrutura baziku, nesesidade baziku povu nian hanesan, saneamentu, estrada rural, uma ba povu, saúde no edukasaun, no dezenvolvimentu labele konsentra iha fatin ida, maibé tenki halo ba povu iha teritóriu Timor tomak.

Branco : Deputado sira iha sentidu estadu

Iha fatin hanesan, Xefi bankada FRETILIN, Francisco Branco hateten, Governu minoria mós bele la’o, kuandu komponentes hotu Estadu nian iha sentidu Estadu.

“Depois observa tiha programa no orsamentu ne’ebé Governu aprezenta mai Parlamentu Nasionál, diak ba benefisiu povu nia moris, ha’u hanoin deputadu sira sei tuir sira nia konsensia vota a favor,” relata Francisco Branco.

Nia haktuir, situasaun ida ne’e hanesan kultura diak ida, tanba tuir FRETILIN nia predisaun, aban bainrua sei laiha tan partidu ida atu manan maioria absoluta, tanba ne’e, hot-hotu tenki kontribui ba Governasaun ida ne’e.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker