GMN TV Politika Situasaun Oe-cusse, deputadu sira rungu-ranga malu iha PN

Situasaun Oe-cusse, deputadu sira rungu-ranga malu iha PN

0 views

Deputadu bankada CNRT no bankada PD tuku meja ba malu iha Parlamentu Nasionál, Tanba diferente hanoin kona ba autoridade Zona Espesial Ekonómia Sosial Merkadu (ZEESM) Oe-cusse Ambeno halo mudansa ba funsionáriu públiku sira husi Ministeriu ida ba Ministeriu seluk tuir hakarak.

Bankada CNRT levanta iha plenaria PN katak, maske agora dadauk VII seidauk funsiona diak, maibé autoridade ZEESM sira komesa muda funsionáriu públiku tuir sira nia hakarak. Maibé bankada FRETILIN apoiua politika ne’ebé autoridade ZEESM sira halo hodi dehan katak,  kuandu governu foun ida tama, tenki akontese mudansa iha kada ministériu.

Deputada Noemia Sequei ra, husi bankada FRETILIN, hateten,  lamentasaun ne’ebé hato’o husi deputadu CNRT sira kona ba transferensia funsionáriu sira iha Oe-cusse ne’e, kestaun bai-bain bainhira Governu foun ida sa’e.

“Ha’u atu dehan de’it, bainhira Governu foun ida mai, sempre iha problemas. Entaun hanesan reprezentante ida, karik ita la satisfas ho desizaun ne’ebé iha, bele halo karta hodi ba prosesu,” relata Noimia iha plenária PN, Tersa (26/09).

Nia hatutan, projetu estrada, Portu, Aeroportu no ponte sira iha Oe-cusse ne’e, laiha problema, tanba povu rasik laiha preokupasaun kona ba ida ne’e.

“Ha’u rekomenda atu bele hato’o faktus kona ba uma kain hirak ne’ebé afetadu, se ita mai ko’alia de’it dehan vítima, halo nusa mak ita bele rezolve sira nia problema. Hanesan reprezentante ida iha uma fukun ida ne’e, bainhira ita ko’alia tenki iha faktus, tanba ita mós atu hatudu maturidade polítika ne’ebé mak agora dadauk ita nia povu hatudu,” relata Noemia.

Deputadu Filomeno Taequi husi bankada CNRT hateten, hanesan reprezentante povu, la’os ko’alia arbiru, maibé bazeia ba faktus.

“Ita mai iha ne’e, la’os atu hatu’un malu, maibé atu bolu atensaun ba malu kona ba, saida mak ladiak tenki hadia. Ha’u bele bolu bankada sira hotu hanesan PLP, KHUNTO atu husu tok ita bo’ot sira-nia ema sira iha baze kona ba situasaun ida ne’e los ka la’e,” afirma Filomeno.

Ho deklarasaun noemia nian ne’e, deputadu Natalino dos Santos la simu, no husu meja Parlamentu Nasionál atu fó tempu ba nia atu halo defeza de onra.

Maibé tanba meja Parlamentu Nasional la fó, tanba deputadu Filomeno Taequi husi bankada CNRT responde ona, entaun deputadu Natalino dos Santos tuku meja hodi husu tempu atu halo esklaresimentu kona ba kazu ida ne’e.

“Ha’u iha direitu atu halo klarifikasaun ba asuntus importante, tanba ha’u mak foti kestaun ne’e,” hateten Natalino hodi tuku meja, tanba Prezidenti PN la fó tempu ba nia atu ko’alia.

Haree tiha situasaun ida ne’e, deputadu Manuel de Carvlho ‘Lito Rambo’ husi bankada PD, la simu tanba konsidera reprezentante povu tuku meja ne’e, hatudu imajen la diak ba públiku.

“Deputadu sira eleitu tanba povu fó fiar, mas ha’u haree iha Parlamentu Nasionál, tendensiozu liu ko’alia asuntu ne’ebé halai liu ba militantes partidu sira. Ita mai iha ne’e atu ko’alia povu nia problema, la’os ko’alia ita nia militantes sira ne’ebé mak hasoru problema,” relata Lito Rambo.

Hanesan deputadu foun, Lito Rambo dezafia deputadu hotu iha Parlamentu Nasionál atu labele defende militante partidu, maibé defende povu Timor Leste.

“Ita labele tuku meja iha Parlamentu, ita labele hatudu ita nia bandalismu iha Parlamentu, ha’u mós reprezenta povu,” relata Lito Rambo.

Rona tiha liafuan ida ne’e, deputadu sira husi bankada CRNT la simu no baku meja ba malu, hodi hateten katak, deputadu sira hotu iha PN ne’e koñese malu.

Maibé Prezidenti Parlamentu Nasionál, Aniceto Guterres konsege hakalma situasaun ida ne’e, no husu ba deputadu sira atu hakmatek.cos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker