GMN TV Politika Blokeia opozisaun, FRETILIN-PD retira proposta OJE 2018

Blokeia opozisaun, FRETILIN-PD retira proposta OJE 2018

0 views

Debate Orsamentu Jeral Estadu (OJE) tinan 2018 tama ba loron hat, hamosu ambiente foun ida entre bankada opozisaun ho bankada apoiu Governu, tanba opozisaun deside hodi nonok iha debate Orsamentu Jeral Estadu (OJE) ne’e, liu-liu bankada apoiu Governu blokeia hanoin di’ak sira husi opozisaun.

Bankada opozisaun FRETILIN no PD retira proposta redusaun ba Orsamentu Jeral Estadu (OJE) 2018, tanba la kontenti ho bankada AMP ne’ebe la konsidera hanoin diak husi bankada opozisaun sira. Hanoin diak ne’ebe bankada opozisaun pretende mak atu redus orsamentu ministériu nebe sira konsidera bo’ot liu.

Proposta ne’ebé bankada FRETILIN no PD aprezenta hodi husu redusaun US$ 300.000 Ajensia Dezenvolvimentu Nasional (AND) nia orsamentu. Proposta redusaun orsamentu ba  ADN ne’e, hetan aseitasaun husi Governu ne’ebé lidera husi Primeiru Ministru, Taur Matan Ruak, maibé bankada Governu vota kontra proposta ne’e.

Xefe Bankada PD, António da Conceição hateten, bankada opozisaun FRETILIN no PD sei nonok iha diskusaun Orsamentu Jeral Estadu 2018 ne’e to’o aprovasaun final.

“Ami haree katak, ami senti ami kole hodi hanoin diak sira ne’ebé hakarak atu fó kontribuisaun ba debate ida ne’e. Ambiente debate ida ne’e bankada opozisaun mak promove liu, maibé bankada opozisaun, enkuantu bankada Governu it abele dehan hanesan ema sira ne’ebé laiha ona ibun atu ko’alia, tanba buat hotu, nonok de’it no hakarak simu hotu de’it,”dehan António.

“Ami triste tanba, proposta ida aprezenta husi deputadu Antoninho Bianco, hetan aseitasaun husi Governu atu simu, maibé bankada Governu nian rasik blokeia tiha hodi kontra tiha proposta ne’e. ida ne’e signifika katak, iha ona intensaun ne’ebé ladiak, hodi aseita buat diak ne’ebé mak opozisaun fó,”dehan tan António.

Tanba ne’e, António lia tun katak, laiha duni votande diak husi bankada Governu nian, kona ba debate kontritivu sira ne’ebé mak opozisaun fó, tanba buat hotu bankada apoiu Governu blokeia deit, maske Governu hakarak.

“Ami sei halo nafatin ami-nia asaun nonok, ami fó nafatin ami-nia votu, maibé ami sei la fó ami-nia komentáriu. Ami hein públiku bele intende ida ne’e pozitivu, tanba ami hakarak atu fó kontribuisaun, ami nia proposta tama Governu mós aseita, maibé tanba saida mak bankada Governu blokeia, enkuantu Governu aseita proposta ne’e,”dehan tan António.

Nune’e mos, Vise Xefe  Bankada FRETILIN, Francisco Branco, hateten, FRETILIN mantein ho prinsipiu atu sai opozisaun ne’ebé konstrutivu no edukativu.

“Ami hakarak partisipa ativamente iha diskusaun no aprovasaun orsamentu 2018 nian. Proposta sira ne’e maioria mai husi ami opozisaun, maibé ami haree iha prosesu debate ne’e, iha tendensia atu aumenta tan osan, la tuir ona prinsipiu polítika ne’ebé Primeiru Ministru fundamenta katak, labele hamosu mal-gastus ne’ebé la lori rezultadu di’ak ba povu nia moris no Estadu nia diak,”dehan Francisco Branco.

Tuir Francisco Branco, dalabarak bankada apoiu Governu halo fali orsamentu foun, maibé Governu mak iha poder atu halo orsamentu Estadu.

“ Ami haree katak, laiha hanoin ida atu hamenus tuir prinsipiu polítiku Governu ne’ebé hakarak halo mudansa, buat sira ne’e mesak retórika de’it, Primeiru Ministru mós konkorda de’it, maibé tuir lolos Primeiru Ministru defende nia Orsamentu Jeral Estadu, maibé mai Parlamentu simu de’it orsamentu foun ne’ebé mak deputadu sira propoin. Tanba ne’e mak ami hanoin dehan, iha ambiente ida hanesan ne’e, diak liu ita retira de’it,”dehan Francisco Branco.

Maske bankada opozisaun retira hotu proposta ne’ebé mak sira aprezenta ona ba Orsamentu Jeral Estadu 2018, maibé FRETILIN sei partisipa nafatin iha debate espesialidade ne’e to’o aprovasaun final global, tanba povu no Estadu presiza tebes ekonomia atu la’o normal iha merkadu.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker