GMN TV Politika Fidelis rejeita PM halo konspirasaun ho PR

Fidelis rejeita PM halo konspirasaun ho PR

0 views

Ministru Reforma Lejislativa no Asuntu Parlamentar (MRLAP), Fidelis Magalhães, rejeita, espekulasaun ne’ebé dehan, Primeiru Ministru (PM), Taur Matan Ruak, ho Prezidente Repúblika (PR), Francisco Guterres ‘Lú Olo’, halo konspirasaun hodi la fó pose ba lista kandidatu membru Governu nain sia (9).

Lista membru Governu nain sia (9) ne’ebé seidauk simu pose kompostu husi, Francisco Kalbuady Lay, Jacinto Rigoberto, Sergio Lobo, Virgílio Smith, Antonio Verdial, Helder Lopes, Alfredo Pires, no José Turquel.

“Informasaun dehan PM ho PR halo konspirasaun ne’e, ha’u hanoin kreatividade ida la kriativu, ne’e koko atu halo imajinasaun no propoganda, mas ida ne’e mós falta kriatividade, tanba iha nasaun ne’ebé de’it, PM nia interese prinsipal maka atu iha kompozisaun kompleta husi Governu ida, laiha PM ida hakarak ninia Governu la kompletu,” MRLAP ba jornalista sira iha uma fukun Parlamentu Nasional (PN), Segunda (24-09-2018).

Nia esplika, loos duni ne’e asuntu ida ne’e interese PM nian, maibé PM rasik tau fiar ba ema hirak ne’ebé propoin ona ba PR atu hetan pose, maibé desizaun maka seidauk iha to’o agora.

“PM nia pozisaun nafatin no la muda, katak kandidatu ne’ebé maka iha, sei sai kandidatu nafatin. Tanba ne’e husi parte PM nia sei kontinua nafatin, husi parte PR iha sei iha diskusaun balun, maibé ha’u labele koalia kona-bá data no bainhira, maibé ha’u só dehan de’it  katak, VIII Governu no PM nia pozisaun nafatin, katak sei mantein nafatin kandidatu nain 9 ne’e,” haktuir Fidelis Magalhães.

Nia akresenta, Governu nia pozisaun maka ne’e, laiha argumentu no fundamentu, tantu legal no polítiku atu halo rejeisaun ba kandidatu nain 9, ne’ebé maka PM propoin ba PR atu fó pose.

“Buat ne’ebé maka ha’u hatene, liu husi PM rasik katak, sei mantein lista no Governu sei halo esforsu atu avansa nafatin ho kandidatu ne’ebé maka PM rasik hili, atu integra ba iha Governu. Por em quanto Governu kontinua la’o, maske iha dezafiu, espera katak bele iha solusaun iha tempu badak,” relata MRLAP ne’e.

Entre sira nain hira ne’e PR Lú Olo nomeia ona Alfredo Pires, nu’udar Ministru Petroleu no Minerais, Samuel Marçal, nu’udar Ministru Planeamentu Investimentu Estratéjiku, Rogerio Mendonça, nu’udar Sekretáriu Estadu Peska, maibé sira nain tolu (3), desidi lakohi simu pose, ho razaun fó solidariedade ba sira-nia maluk seluk ne’ebé maka seidauk hetan nomeasaun husi PR Lú Olo, atu simu pose.ves


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker