GMN TV Politika FRETILIN dúvida kapasidade ezekusaun OJE 2018

FRETILIN dúvida kapasidade ezekusaun OJE 2018

0 views

Bankada FRETILIN dúvida kapasidade VIII Governu Kontitusional nia kapasidade atu ezekuta Orsamentu Jeral Estadu (OJE) 2018 ho montante billiaun US$1.2 ne’ebe parlamentu nasional aprova ona .

“OJE ba 2018 ho ninia defisiensia tomak ne’ebé ita aprova ona bankada FRETILIN sei dúvida nafatin no preokupa kona-bá OJE 2018 ninia karakter no ninia implementasaun ne’ebé bele lori rezultadu no benefisiu ba povu tomak husi sidade ba to’o área rurais, husi jerasaun aktual ba jerasaun futuru ninian,” deklara Xefi bankada FRETILIN, Aniceto Guterres, iha semana kotuk hafoin aprovasaun OJE 2018 nian iha final global ho votus afavor 42, kontra 9 no abstensaun 14.

Nune’e mos Prezidente PN, Arão  hateten, OJE refere atu responde ba konta Jeral Estadu tinan 2018 no selu dívida públika ba projetu ne’ebé kompañia sira ezekuta ona, iha loron 7 Setembru, tinan ne’e.

 “Ita-nia OJE 2018 aprovadu ona iha PN, ho rezultadu votasaun ba final global ne’e OJE 2018 aprovadu,”deklara Prezidente PN, Arão Noe, hodi taka sesaun plenária ba debate OJE 2018, iha PN, Sesta (07-09-2018).

Kuaze semana ida nia laran, reprezentante povu iha Parlamentu Nasional halo diskusaun klean ba OJE ne’ebé VIII Governu propoin ho montante billiaun US$1.2 hetan krítika no proposta lubuk ida husi partidu opozisaun FRETILIN no PD atu halo alterasaun, maibé iha loron 7 Setembru PN konsege aprova duni.

“Ita-nia OJE 2018 aprova ona, dezeja ita hotu nia bom trabalho, hein katak komisaun C (komisaun ne’ebé trata asuntu Finansa Públika) bele reuni hodi aprova testu final, nune’e sei konklui orsida lorokraik (horiseik lorokraik), ha’u prontu asina, para enkamiña ba Prezidente Repúblika (PR), Francisco Guterres ‘Lú Olo’,”esklarese Prezidente PN.

Husi sorin seluk, Xefi bankada CNRT, Duarte Nunes, sujere ba VIII Governu konstitusional atu ezekuta OJE 2018 tuir regra ne’ebé iha.

“Ami AMP sei kaer metin konfiansa povu no sei la hamonu ba le’et, ami kumpri ona ami nia obrigasaun hodi aprova OJE 2018 no hein orgaun seluk kompleta esforsu ida ne’e, tanba povu presiza situasaun hakmatek, hodi fó biban ba ema ida-idak buka atu hadi’a nia moris, tanba ne’e ami husu ba VIII Governu atu ezekuta tuir regras ne’ebé iha no ami fiar katak, PM sei hetan susesu iha ezekusaun OJE ba fulan 3 nia laran,” dehan deputadu Duarte Nunes.

Debate OJE 2018 iha jeneralidade halo durante loron 3, hahú husi loron 27 to’o 29 Agostu no iha espesialidade durante loron 6, hahú husi loron 31 Agostu, kontinua fali iha loron 3 to’o 7 Setembru.

Prosesu debate OJE iha final global ne’e, partisipa husi sosiedade sivil, estudante universitariu, observador nasional no internasional sira. GMN


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker