GMN TV Politika Governu deside uza osan duodésimu millaun US$80

Governu deside uza osan duodésimu millaun US$80

0 views

Governu liu husi reuniaun Konsellu Ministru (KM) extraordináriu iha Sesta (21/9), deside ona atu uza orsamentu duodésimu ho millaun US$ 80 atu sustentabiliza mákina Estadu ba fulan Setembru ne’e.

Desizaun ne’e mosu, tanba Prezidenti Repúblika (PR), Francisco Guterres ‘Lú Olo’ demora foti desizaun atu halo promulgasaun ka veta ba Orsamentu Jeral Estadu (OJE) tinan 2018 ho montante billiaun US$1.2.

Ministru Estadu Prezidensia Konsellu Ministru, Agio Pereira, informa, reuniaun Konsellu Ministru extraordináriu ne’e hodi haree asuntu importante sira,  liu-liu tanba Prezidenti Repúblika, Francisco Guterres ‘Lu Olo’, demora foti desizaun no publika OJE tinan 2018, tanba ne’e Governu tenki kontinua ho duadesimal ba fulan Setembru.

“Prezidenti Repúblika demora iha publikasaun, no sei haruka ba Tribunal Rekursu, entaun ita sei iha millaun US$ 80 atu uza ba rejime duodesimal atu aplika ba fulan ida ne’e”,relata Agio Perreira ba jornalista sira iha Palásiu Governu.

Osan duodesimal ne’e iha ona, tanba iha fulan hira liu ba, liu husi Parlamentu Nasional, autoriza Governu atu foti osan duodesimal ne’e millaun US$ 140.

“Konsellu Ministru extraordináriu hodi haree asuntu importante, ida mak tanba demora promulgasaun no publikasaun Orsamentu Jeral Estadu 2018, Governu tenki kontinua ho duodesimal ba fulan Setembru”,katak Agio Pereira.

Entretantu Orsamentu Jeral Estadu tinan 2018 aprovadu iha Parlamentu Nasional iha loron hitu, fulan Setembru, tinan ne’e, ho votus maioria a favor 42, kontra 9 no abstensaun 14.

Prezidenti Parlamentu Nasional,  Arão Noe Amaral, entrega ona  Orsamentu Jeral Estadu tinan 2018, ba Prezidenti Repúblika, Francisco Guterres ‘Lu Olo’ iha loron 10, fulan Setembru, tinan ne’e. Prezidenti Repúblika rasik sei estuda konteudu diploma orsamental ne’e no iha tempu loron 30 atu halo promulgasaun ka veta.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker