GMN TV Politika [:pt]MJ Manuel louva servisu SNC ■Jorge Serrano:Prosesu sukat rai termina iha 2020[:id]MJ Manuel louva servisu SNC ■Jorge Serrano:Prosesu sukat rai termina iha 2020[:en]MJ Manuel louva servisu SNC ■Jorge Serrano:Prosesu sukat rai termina iha 2020[:tl]MJ Manuel louva servisu SNC ■ Jorge Serrano:Prosesu sukat rai termina iha 2020[:]

[:pt]MJ Manuel louva servisu SNC ■Jorge Serrano:Prosesu sukat rai termina iha 2020[:id]MJ Manuel louva servisu SNC ■Jorge Serrano:Prosesu sukat rai termina iha 2020[:en]MJ Manuel louva servisu SNC ■Jorge Serrano:Prosesu sukat rai termina iha 2020[:tl]MJ Manuel louva servisu SNC ■ Jorge Serrano:Prosesu sukat rai termina iha 2020[:]

4 views

Ministru Justisa (MJ), Manuel Cárceres, louva ho Serviço Nacional de Cadastro (SNC), ne´ebé mak  durante ne´e rejista komunidade sira-nia rai iha teritóriu nasionál.

``Ne´e enkontru regular ne´ebé mak SNC halo ho Ministériu Justisa no Sekretaria Terras Propriedade. Ami mai  enkontru ne´e para sira aprezenta sira-nia relatóriu  hahú husi fulan Maiu 2018 to´o Setembru 2018, sira halo saida? Ne´ebé sira rejistu lobuk bo’ot ida, sira halo enkontru komunitária ho ita-nia maluk sira atu esplika saida mak sira halo dadauk ne´e hamutuk rihun haat resin,  no sira identifika ona saida mak ita-nia maluk sira nain ba rai no  sira halo ona mapa para depois ba oin ita halo nusa ita bele fó atribuisaun rai nian ba ita-nia sidadaun ne´ebé iha direitu atu hetan sertifikadu,  ne´e mak intensaun prinsipal reuniun ida ne´e. SNC nia servisu di’ak tebes``,esplika Ministru Justisa Manuel Carceres, ba jornalista sira, Segunda (24/09/18), iha  edifísiu SNC, Balide, Díli.

Manuel Cárceres hatutan, durante ne’e foin mak segunda vez SNC aprezenta sira-nia dadus kompletu no kredível tebes, maske iha disputa mos,  SNC  konsege identifika kedas se mak na’in ba rai ne´e.

``Dadus  ne´e aban bairua Estadu nian, la´os konsórsiu ninian. Sira ne´e Estadu kontratu para  hala´o servisu ida ne´e, maibe sasan sira ne´e hotu Estadu nian, para depois ita kaer baze dadus ne´ebé iha aban-bairua pasa ba Terras propriedade husi ne´eba ita bele identifika maluk sira ne´e hodi fó sertifikadu ba sira,``dehan Manuel Cárceres.

Nune´e mos Sekretáriu Estadu Terrras no Propriedade, Mário Ximenes, husu ba komunidade tomak labele  dúvida ho SNC nia ezistensia. Tanba SNC Estadu mak halo kontratu duni no SNC nia rezultadu  servisu sei sai hanesan patrimonia Estadu Timor-Leste.

``Ne´ebé ami mos  hatene katak,  komunidade barak sei dúvida  oituan kona-ba lei rai sira   ne´e.  Iha biban ida  ne´e  fó hatene ba komunidade hotu katak, agora dadauk liu husi Ministériu Justisa, Terrras  Propriedade komesa prepera hela programa atu halo diseminasaun informasaun tomak atu bele kasu komunidade sira-nia dúvida liu-liu kona-ba lei rai nian. Ne´e mak ami prepara hela ona, tempu badak karik orsamentu aprova ona ami sei tama sai Munisípiu halo diseminasaun lei rai ba komunidade sira bele kasu dúvida sira ne´e, antes fó sai sertifikadu nain ba rai``,dehan Mário Ximenes.

Alende ne´e, Prezidente konsórsiu SNC, Jorge Manuel de Araújo Serrano, hateten, prosesu sukat rai kontinua la’o no tuir kontratu projetu ne’e sei termina iha fulan Marsu, tinan 2020.

``Sertifikadu  ne´ebé mak uluk fó ne´e bolu naran rejistu de parselas hateten ona katak, rai  ne´ebé mak fó ona sertifikadu parselas, ne´ebé mak ita fó  iha tinan rua ba kotuk iha Metinaro, tuir lolos fó mós Liquiça, munisípiu sel-seluk  ba sira ne´ebé laiha disputa. Ne´ebé laiha problema ita fó sertifikadu rejistu parselas. Ami halo de´it Governu aprova depois Ministru Justisa, Sekretáriu Estadu sei ba intrega diretamente ba área  ne´ebé mak ita foti ona``,dehan Jorge Manuel de Araújo Serrano.

Jorge Manuel de Araújo Serrano, hatutan, ba sira ne´ebé mak laiha disputa ba rai bele hetan sertifikadu parselas.

``Maibe ha´u hakarak hateten katak, ne´e sertifikadu rejistu parselas katak, rai ne´ebé foti, iha sertifikadu hateten, rai ne´e iha baze de dadus ona, informasaun kompletu laiha disputa aban bairua kuandu lei rejistu predial kuandu sai, sira lori fali sertifikadu mai hodi troka sertifikadu predial. Ne´e la signifika sertifika titulu ba rai, ne´e seidauk, titulu ba rai ne´e,  lei sai  sira lori de´it rejistu mai troka de´it``,dehan tan Jorge Manuel de Araújo Serrano.avi


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker