GMN TV Politika Mudansa estrutura FRETILIN depende polítika partidu

Mudansa estrutura FRETILIN depende polítika partidu

0 views

Vise Xefi bankada FRETILIN, deputadu Francisco Branco, hateten, atu halo mudansa ba estrutura atual iha partidu FRETILIN depende ba polítika partidu nian, la’os partidu seluk mak impoin fali.

Deputadu FRETILIN ne’e, hateten, nia parte foin rona informasaun bainhira jornalista sira konfirma kona-ba lideransa balun hakarak atu halo mudansa ba pozisaun Sekretáriu Jeral partidu FRETILIN, ne’ebé assume hela husi Marí Alkatiri.

“Ida ne’e ha’u foin rona, maibe ha’u hanoin mudansa ka laiha mudansa ne’e, polítika partidu nian, la’os ema seluk mak atu mai ajenda hodi impoin fali ba partidu rasik, ne’e laiha, iha fatin ne’ebé de’it, iha Timor-Leste no iha rai hotu-hotu, ajenda mai fali husi entidade balun nia interese mak hatama fali laiha”,hateten deputadu Francisco Branco ba jornalista iha PN, Sesta (28/09/2018).

Francisco Branco afirma tan, diferensa ideia no dinámika polítika iha partidu ne’e normal, tanba demokrasia, maibe la signifika pesoal partidu seluk mak kestiona fali.

“Ne’e dinámika polítika loos, ne’e saudavel, labele hatete katak iha partidu ida hotu-hotu dehan sim, sim de’it. Sim ou não ne’e iha, ne’e mak dehan demokrasia, la’os hanesan partidu seluk be dehan sim, sim hotu, depois ita oin sin hotu ba malu. Ida ne’e la’os polítika FRETILIN nian, FRETILIN iha dinámika polítika, balun konkorda malu, balun la konkorda malu ne’e iha, ne’e saudavel iha demokrasia. Ami rona balun la’os husi partidu FRETILIN mak mai ko’alia fali iha media dehan atu kestiona fali ne’e, ne’e ha’u hanoin iha fatin ne’ebé de’it la akontese”,Branco akresenta.

Antes ne’e, fundador FRETILIN, Abilio Araújo, relata, FRETILIN sei halo kongresu extraordináriu ida, hodi halo mudansa estrutura foun ba Partidu FRETILIN nian, no fundador ne’e mós relata, atúal Sekretáriu Jeral Partidu Fretilin Marí Alkatiri halo servisu bo’ot ba FRETILIN no kontinua halo FRETILIN presiza nia, maibe tenke hakiduk hodi permite eleisaun foun, inklui sei haree pozisaun partidu FRETILIN nian.Say


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker