GMN TV Politika Opozisaun lamenta Governu duplika orsamentu selu divída

Opozisaun lamenta Governu duplika orsamentu selu divída

Parlamentu Nasional, (PN) Segunda (03/09), aprova ona orsamentu ba Prezidensia Konnsellu Ministru (PKM) ho votus maioria a favor 41, kontra 0 no abstensaun 19.

Antes Parlamentu Nasional halo aprovasaun orsamentu ba PKM iha parte espesialidade, deputadu sira husi bankada opozisaun aprezenta krítika hasoru Ministru Estadu Prezidensia Konsellu Ministru, Agio Prereira, tanba konsidera Governu halo duplikasaun ba orsamentu selu dívida.

Deputada Maria Angelica Rangel, husi bankada FRETILIN hateten, bankada opozisaun konkorda atu Governu selu dívida, maibé la konkorda atu iha osan duplikasaun ba dívida.

 “Ha’u la konkorda ho Miinstru dehan, osan ne’e tau atu selu dívida Timor Telecom no elerisidade, tanba iha livru dotasaun Governu hotu tau iha bens servisu, hateten ona iha ne’eba katak atu selu dívidae Timor Telecom millaun US$ 4.5 no atu selu dívida eletrisidade US$ 2.2 miloens. Tanba ne’e mak iha Prezidensia Konsellu Ministru tau tan osan atu selu dívida ne’e, entaun iha duplikasaun orsamentu iha ne’eba ona, no ida ne’e ladiak,” relata Maria Angelica Rangel iha nia intervensaun iha debate OJE 2018 iha espesiliadade iha PN.

Alende ne’e, Deputadu Adriano do Nascimento, husi bankada PD hateten, intensaun husi proposta ne’ebé sira aprezenta ba meja Parlamentu Nasional ne’e, atu husu diskrisaun kona ba kada item ne’ebé Governu atu selu, li-liu dívida sira ne’e.

Como ita tama ona iha espesialidade, ami presiza hatene atu selu hira, entaun ida ne’e ita ko’alia ona númeru. Tanba ne’e mak ami hakarak inkrisaun detaillu para ami kompriende. Ezemplu atu selu Timor Telecom ne’e hira, tanba ha’u hatene diak tusan Timor Telecom nian ne’e, nomós eletrisidade nian ne’e, tanba ida ne’e difikuldade tanba ida ne’e kontador ida de’it entre Governu ho Parlamentu nian ne’e hamutuk de’it,”relata Adriano.

Hatan kona ba preokupasaun ne’e, Ministru Estadu Prezidensia Konsellu Ministru, Agio Perreira hateten, Governu mós konsidera katak, tempu ba ezekusaun  OJE 2018 limitadu tebes, tanba falta fulan tolu de’it ona.

Nia esplika, razaun Prezidensia Konsellu Ministru tau osan US$ 878 mill ne’e, atu selu divídas Timor Telecom no Eletrisidade Palacio Governu ho Parlamentu Nasional.

“Dívida Timor Telecom, telekomunikasoens faturas anterior, ita presiza duni orsamentu ida ne’e hodi selu. Orsamentu 878 mil ne’e, inklui mós atu selu subsidiu abitasaun membru Governu sira nian. Ita tenki halo mós pagamentu ba divídas EDTL ninian, inklui ita tenki selu mós eletrisidade Parlamentu Nasional nian, tanba Parlamentu ho Governu kontador ida de’it,” relata Agio.

Nia esplika, orsamentu ne’ebé Prezidensia Konsellu Ministru tau iha capital menor ho montante millaun US$ 1 ne’e, ho lójika ida atu fó prioridade ba estabelesimentu ministériu foun sira hotu hanesan, akijisaun mobiliáriu, no rehabilitasaun gabinete sira.

“Iha Palasiu Governu, iha VII Governu akontese inundasaun ki’ik oan ida iha ne’eba, halo karpeti sira ne’e dodok hotu, entaun vizita ruma mai ita sempre kuidadu tanba tauk ema monu, tanba ne’e mak ami tau osan ne’e atu halo manutensaun urjenti,”katak Agio.cos


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker