GMN TV Politika PD lamenta polítika Governu aloka OJE ba Igreza

PD lamenta polítika Governu aloka OJE ba Igreza

Deputadu bankada Partidu Demokrátiku (PD), Antonio da Conceição, lamenta, polítika Governu aloka Orsamentu Jeral Estadu (OJE) ba igreza Katólika ho montante bo’ot iha tinan ida nia laran, tuir loloos tenki aloka faze ba faze, tanba igreja Katólika nia projetu balun ho prazu tinan rua (2) no tinan tolu (3).

“Agora ha’u nia lamentasaun maka ida ne’e, kuandu temi sosiedade sivil, orsamentu montante bo’ot ne’e labele ba hotu de’it igreja Katólika, sé igreja Katólika ninia obra sira ne’e mós grande projetu ne’e rekere mós buat ida naran plurianual, portanto bele hán tinan 2 no tinan 3 maka remata, la nesesariamente tinan ida osan ne’e ba hotu kedas dala ida de’it, ne’e maka laduun diak,” Antonio da Conceição ba GMN iha uma fukun Parlamentu Nasional (PN), Tersa (03-09-2018).

Nia esplika, orsamentu ne’ebé aloka ba kada Dioseze iha Timor-Leste ne’e ho objetivu atu finaliza obra sira ne’ebé maka agora hala’o hela, tanba obra balun la konstitui ba konkordata ne’ebé igreza Katolika ho Governu asina.

“Konkordata ne’e rasik loloos ne’e preve buat hotu-hotu ne’ebé maka sita atu igreza bele halo rasik, osan ne’e tenki ser tau, maibé ha’u hanoin tau ba igreza Katolika liu husi konkordata ho Governu, la natoon atu realiza obra boot sira ne’e, tanba ne’e maka PM tau osan ne’e,” haktuir Xefi bankada PD ne’e.

Nia esplika, igreza Katolika kontribui nanis ona ba dezenvolvimentu ne’ebé ho kualidade iha aspeitu edukasaun, hanesan loke eskola privadu no orfanatu sira iha Díli no munisípiu sira.

“Ha’u haree iha aspeitu edukasaun, igreza partisipa makaas iha seitor ida ne’e, portanto ne’e buat ne’ebé maka ita la nega, igreza Katolika mós iha projetu ida ne’ebé maka toka tebes povu nia moris hanesan orfanatu sira, ne’e la’os Governu nia projetu, sé igreza Katolika la halo obra karidade sira ne’e labarik badiu barak iha rai laran, labarik sira ne’ebé maka inan-aman laiha ne’e laiha atensaun ona husi ema, tanba ne’e maka iha obra balun ita bele sukat US$3 milliaun ne’ebé fó ba igreza ne’e mós iha planeamentu ida atu sustenta dioseze rasik, tanba dioseze labele moris ho kolletas iha loron Domingu, maibé ita presiza haree tan sé US$3 millaun fó ba igreza Katolika,” akresenta Antonio da Conceição.

Tuir deputadu bankada FRETILIN, Joaquim dos Santos, sujere ba Governu, atu OJE ne’e labele fó de’it ba Igreja Katolika, maibé tenki fó mós ba sosiedade sivil sira seluk ne’ebé maka ezisti iha Timor­-Leste.

“Portanto sidadaun hotu-hotu iha direitu hanesan iha lei nia okos, tanba ne’e la’os fó de’it ba igreza Katolika, sé ida ne’e maka Governu halo ne’e ita hamosu injustisa sosial, tanba sosiedade sivil ne’e iha organizmu lubuk ida, la’os reliziaun sira de’it, iha mós organizasaun sosiedade sivil balun que iha estatutu jurídiku, maibé buat sira ne’e hotu tenki bazeia ba prinsipiu efikasia ho sustentabilidade,”akresenta deputadu FRETILIN ne’e.

Entretantu OJE ba sosiedade sivil sira ne’e Governu fó apoiu dezde mandatu IV Governu konstitusionál, prevé iha Gabinete Primeiru Ministru, Fundu Sosiedade Sivíl, orsamentu refere aloka hodi sustenta edukasaun Katólika no servisu sosiál ne’ebé igreja hala’o. ves


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker