GMN TV Politika PM Taur apela sidadaun, Labele monu ba manobra polítika ukun nain sira

PM Taur apela sidadaun, Labele monu ba manobra polítika ukun nain sira

0 views

Primeiru Ministru (PM), Taur Matan Ruak, husu ba ema hotu liu-liu juventude sira atu labele monu ba manobra polítika ukun nain sira nian, tanba ukun nain sira maske iha diferensa polítika, maibé unidade nafatin.

PM Taur Matan Ruak esklarese lia hirak ne’e iha nia palestra iha Universidade Nasional Timor Lorosa’e (UNTL). Palestra ne’e ho tema, “Reafirmasaun valor rezistensia libertasaun patria no prosesu dezenvolvimentu nasional”.

“Se mak dehan ita unidade laiha, ita-nia unidade iha. Dalaruma ita iha uma laran, ita-nia inan-aman istori malu, baku malu oras ida liu tiha, bainaka mai sira di’ak malu fali. Uluk komunidade sira hateten mai hanesan ne’e, imi bo’ot sira ne’e haree malu ladi’ak, ami povu mak terus, ha’u dehan hanesan ne’e, ami bo’ot mak hemu tua, imi ki’ik mak lanu”, katak PM Taur Matan Ruak, nu’udar mos funu nain ne’e iha UNTL, Kaikoli, Díli, Segunda (24/09).

Nia esplika, situasaun rai laran agora ne’e, polítika la’o normal, ne’ebé demokrásia mós fó dalan atu iha diferensa polítika.

“Ami bo’ot sira hirus malu ne’e, imi ki’ik sira ne’e tenki sori ami, la’os ami bo’ot sira ne’e hirus malu, imi ki’ik sira ne’e mós hakfodak imi baku malu, ida ne’e lalos, tanba simplesmente buat sira hanesan ne’e, halo parte demokrásia, no ita-nia lei no sistema mós permite ida ne’e, maibé kuandu to’o ona situasaun ida atu sobu ita-nia nasaun, ita labele premite”,dehan PM Taur Matan Ruak.

Maibé Xefi Governu ne’e fiar katak, povu Timor Leste sei la moris iha situasaun hanesan ne’e nafatin, tanba tempu ba tempu situasaun sei muda.

Taur Matan Ruak esklarese lia hirak ne’e hodi responde ba preokupasaun estudante UNTL, Faustino Soares, ne’ebé kestiona katak,  liafuan reafirmasaun valor rezistensia libertasaun patria no prosesu  dezenvolvimentu nasional, la kondis ho situasaun real ne’ebé dadauk ne’e la’o iha Timor Leste, tanba ukun nain sira la unidade.

“Reafirmasaun Valor Rezistensia iha polítika altu Estadu nian ne’ebé mak iha dadaun, tanba iha tinan kotuk liu ba, polítika ne’ebé ita infrenta, ita iha eleisaun antesipada, no agora mós ita sei nafatin iha situasaun ida ne’e, ita seidauk diskuti kona ba ita-nia problema sosial, liu-liu kona ba ema sira ne’ebé kiak nafatin, no ema riku sira riku nafatin”,dehan Faustino.

Nia hatutan, durante ne’e mós Governu nunka diskuti kona ba ekonomia rai laran, ne’ebé depende ba reseita fundu petrolíferu.

“Oinsa mak ita bele buka alternative seluk hodi bele garante sustentabilidade ekonomia ba oin. Ita-nia nesesidade bázika sira mós, ita depende ba importasaun husi rai liur, maibé ita-nia estrutura Estadu lakohi atu konkretiza valor rezistensia ne’ebé mak ita iha”,relata Faustino.cos


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker