GMN TV Politika PM Taur hasoru PPN, Diskute situasaun atual no análiza progresu OJE

PM Taur hasoru PPN, Diskute situasaun atual no análiza progresu OJE

0 views

Primeiru Ministru (PM), Taur Matan Ruak, Sesta (14/08/2018), hasoru malu ho Prezidente Parlamentu Nasionál (PPN), Arão Noe de Jesus Amaral, hodi diskute situasaun polítika atual no análiza implikasaun ne’ebé atu afeta ba povu no mákina Estadu ho progresu Orsamentu Jeral Estadu (OJE) ne’ebé ladauk iha informasaun veta ka promulga husi Prezidente Repúblika Francisco Guterres ‘Lú Olo’.

“PM hasoru malu ho ha’u ko’alia asuntu internu balun, ralasaun ho orsamentu ne’ebé agora dadauk Prezidente Repúblika seidauk promulga ne’e, ita agora iha dia 14 ona, ne’ebé dia 15 ba leten ne’e iha prosesu ona ba pagamentu sira, tanba ne’e mak ko’alia kona-ba oinsa atu halo prosesu pagamentu sira durante Setembru nian,”relata PPN, Arão Noe.

Alende ne’e, Ministru Reforma Lejislativu no Asuntu Parlamentar (MRLP), Fidelis Magalhães mós haktuir, sorumutu entre orgaun rua ne’e, ko’alia kona-ba implikasaun husi OJE 2018 ne’ebé iha prosesu hela.

“Orgaun soberanu rua, haree lala’ok polítika no haree mós faktu katak ita hein hela orsamentu ne’ebé seidauk promulgadu, no haree nia implikasoens sira hotu, halo diskusaun no halo análiza ida kona-ba situasaun jeral,”dehan Fidelis Magalhães, hafoin sorumutu ho PPN.

Maske nune’e, membru VIII Governu ne’e, lakohi atu fó komentariu uluk ba kompetensia Xefi Estadu nian, kona-ba Orsamentu Jeral Estadu ne’e atu veta ka promulga.

“Ha’u lakohi komenta lai antesipadamente kona-ba desizaun ida ne’ebé Prezidente Repúblika nian rasik, maibe ita-nia Estadu, nasaun no povu tomak hein atu iha OJE ne’ebé Governu no Parlamentu halo tiha ona nia responsabilidade, agora hein Prezidente Repúblika ne’ebé ezerse hela ninia knaar konforme ita-nia konstituisaun, espera iha tempu badak hetan desizaun ruma, para bele normaliza situasaun ekonómika rai laran no normaliza faze prosesu dezenvolvimentu ida ne’e,”hateten Fidelis Magalhães.

Governante ne’e garante, Xefi Estadu bele promulga OJE ba tinan 2018 ne’e iha tempu badak, atu nune’e hodi normaliza no finansia funsionamentu mákina Estadu nian.

“Estadu presiza OJE ida, ho nune’e depende ba promulgasaun orsamentu ne’e rasik, ne’ebé to’o agora seidauk promulgasaun, maibe ita hotu hein atu bele iha promulgasaun iha tempu badak, hodi bele finansia mákina Estadu no garantia pagamentu sira no halo kobertura ba nesesidade populasaun nian,”katak Fidelis.

OJE ba tinan 2018 ne’e, aporova ona iha Parlamentu Nasionál iha loron 7, fulan Setembru ne’e, hafoin diskute durante semana ida, no Parlamentu Nasionál  haruka ona ba Xefi Estadu, Francisco Guterres ‘Lú Olo’ atu promulga ka veta iha loron 10, fulan Setembru, tinan ne’e.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker