GMN TV Politika PN sei sosa kareta ba deputadu V lejislatura ■ Prado 3 maka entrega ona

PN sei sosa kareta ba deputadu V lejislatura ■ Prado 3 maka entrega ona

0 views

Atu fasilita deputadu V lejislatura iha uma fukun Parlamentu Nasional (PN) hala’o servisu ho diak liu tan, PN, liu husi Sekretariu Jeral, Adelino de Jesus, planeia ona atu sosa kareta ba deputadu 65 iha uma fukun PN ne’e, iha tinan 2019.

Tuir planu Sekretariu Jeral (SekJer) PN sei pronunsia asuntu atu hola kareta ba deputadu V lejislatura ne’e, iha diskusaun Orsamentu Jeral Estadu (OJE) 2019, ne’ebé sei aprezenta iha ínisiu fulan Outubru.

Em prinsípiu orsamentu ba akizisaun ba 2019 ne’e hatama iha OJE 2019 no ami sei pronunsia kuandu tama diskusaun OJE 2019, ami nia planu iha ona só que 2018 labele, tanba ninia ezekusaun ne’e tempu badak demais no prosesu tenderizasaun de’it lori tempu fulan 3 resin, tantu assim só koloka ba iha 2019,”haktuir Sekretariu Jeral (SekJer) PN, Adelino de Jesus ba jornalista sira hafoin remata enkontru Konsellu Administrasaun (KA) ho Prezidente PN, Arão Noe, iha sala konferensia PN, Díli, Sesta (14-09-2018).

Nia esplika, total kareta ne’ebé maka PN, liu husi SekJer PN atu sosa ne’e, tuir númeru deputadu ne’ebé maka iha, maibé marka kareta seidauk determinadu, tanba prosesu diskusaun KA seidauk remata.

“Atu konkretu loos, labele SekJer de’it maka determina kareta ne’e marka Pajero, Prado ka saida? Montante orsamentu atu hola kareta ne’e ami seidauk prevé, tanba só tama diskusaun OJE 2019 maka ami sei bele pronunsia kona-bá ida ne’e,” relata Adelino de Jesus.

Nia akresenta, kareta hirak ne’ebé PN planu atu dada hikas husi eis deputadu sira ne’e, Prezidente PN maka sei hola desizaun, nune’e informasaun kona-bá kareta Prado, bele asesu liu husi Prezidente PN, tanba ne’e desizaun polítika.

“Ha’u envia ona karta ba eis deputadu III lejislatura sira, ho prazu últimu dia 11 Juñu ne’e para sira bele entrega, se no caso la entrega, prontu Prezidente PN mós deklara tiha ona, sei hola medida sira seluk para eis deputadu sira ne’e mai entrega fali kareta Prado sira ne’e,” informa SekJer PN ne’e.

Antes ne’e mós, Prezidente PN, Arão Noe, informa, Konsellu Administrasaun PN desidi ona atu rekolla kareta prado sira ne’ebé maka eis deputadu sira sei utiliza no agora PN haruka ona karta ba sira atu entrega.

“Sé sira la entrega iha dalan rua maka PN foti, ida maka prosesu judisial no haruka Polísia maka ba foti asaun, mezmu sira muda ona xapa matríkula ba privadu, maibé tenki hatene katak legalidade kuandu ha’u sosa ne’e ha’u nian, maibé la sosa ne’e Estadu nian,”afirma Xefi Órgaun Lejislativu ne’e.

Tuir dadus, entre deputadu 65 iha PN III lejislatura ne’e, deputadu tolu (3) maka hatama ona kareta Prado tolu (3), hanesan husi partidu Frente Mudansa (FM) rua (2) no husi PD ida (1).ves


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker