GMN TV Politika Polémika PPN vota kontra viajen PR, Arão Noe: Ha’u kumpri disiplina partidaria

Polémika PPN vota kontra viajen PR, Arão Noe: Ha’u kumpri disiplina partidaria

0 views

Prezidenti Parlamentu Nasional (PPN), Arão Noe, deklara, razaun nia vota kontra Prezidenti Repúblika (PR), Francisco Guterres ‘Lú Olo’, nia vizita Estadu ba Estadus Unidus Amérika (EUA) ne’e, tanba kumpri disiplina partidaria.

“PPN mai husi partidu no mai husi bloku ida, entaun orientasaun polítiku bloku nian ne’e ba hotu-hotu, labele dehan ha’u ba tiha PPN, ha’u tenki ema independente husi bloku ou partidu, ne’e persepsaun ida sala. mezmu hanesan PPN, ha’u tenki submete ba disiplina partidaria ne’ebé regulara iha lei eleitoral,”PPN ba jornalista sira hafoin remata enkontru hodi informa Parlamentu Nasional nian atividade ba PR Lú Olo, iha Palasiu Prezidensial, Bairo Píte, Díli, Kuarta (19-09-2018).

Xefi órgaun lejislativu ne’e akresenta, tuir disiplina partidaria, artigu 14 sita, sé deputadu ne’ebé la kumpri disiplina, nia bele rekoru, nune’e sé de’it maka asumi pozisaun ida ne’e, sei vota kontra hotu, tanba ne’e orientasaun polítika.

“Ha’u dehan ba PR, ida ne’e desizaun polítika, ha’u mai husi partidu no bloku ida, entaun orientasaun polítika tenki kabe ba ami hotu, ami hotu-hotu tenki kumpri, labele sira balun kumpri, tanba dehan ha’u PPN ha’u tenki haksoit sai tiha husi liña ida ba fali liña seluk, ne’e labele,” haktuir Arão Noe.

Nia informa mós ba PR katak, PN nia desizaun vota kontra viajen PR ninian ne’e, tanba orgaun ida-idak iha ninia kompetensia rasik tuir konstituisaun RDTL.

“Ita hotu ezekuta kompetensia, nune’e ha’u hanesan PPN mai informa de’it saida maka akontese tiha ona ba PR, tansa ne’e akontese, oinsa desizaun. Ida ne’e maka desizaun PN ninian, tanba tuir konstituisaun katak iha separasaun de poderes, órgaun ida-idak ezekuta ninia poder, ita hotu-hotu kumpri saida maka konstituisaun fó,” reforsa Xefi órgaun lejislativu ne’e.

Antes ne’e, Xefi bankada Partidu Demokrátiku (PD), Adriano do Nascimento, lamenta aktu PPN nian, ne’ebé vota kontra mós proposta vizita Estadu PR Lú Olo ba EUA, ne’ebé sei halo iha fulan ida ne’e.

Entretantu pedidu vizita Estadu PR, Francisco Guterres ‘Lú Olo’ ba EUA ne’e hetan vota kontra 33, a favor 25 no abtensaun 0. Ves


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker