GMN TV Politika Proposta alterasaun OJE 2018 hamutuk 100 "Kontinua preokupa VIII Governu la kompletu"

Proposta alterasaun OJE 2018 hamutuk 100 "Kontinua preokupa VIII Governu la kompletu"

0 views

Meja Parlamentu Nasionál (PN), rejista proposta husi deputadu sira V lejislatura, atu halo alterasaun ba lei Orsamentu Jeral Estadu (OJE) tinan 2018 kuaze 100 ne’ebé atu diskute no halo aprovasaun ba kada artigu iha faze espesialidade durante loron 5, relata Prezidente Parlamentu Nasionál (PPN) Arão Noe de Jesus Amaral ba jornalista iha PN, Sesta (31/08/2018).

Líder másimu V lejislatura ne’e afirma, proposta ne’ebé rekomenda husi deputadu sira, ho konteudu 3, mak hanesan, atu hamenus montante OJE ne’ebé aprezenta husi VIII Governu billiaun US$1.2, tanba konsidera tempu ba ezekusaun ho montante bo’ot ne’e limitadu liu, inklui ida seluk atu aumenta no halo mudansa verbal.

“Proposta sira ne’e ho oin tolu, ida atu hatun, ida atu halo mudansa verbas, no ida seluk atu hasa’e tan verbas balu tan, para atu aumenta nessesidade sira, iha kategoria ida ne’e mak ami sei haree, hein katak prosesu sira ne’e bele la’o lais liu, nune’e aprova lalais orsamentu   hodi kobre konta jeral Estadu ba 2018 nian, tanba Parlamentu aprova tiha ona ho karakter urjensia, tanba ita tenke prosesu sasán sira ne’e ho lalais, para osan ne’e bele lori kobre ona ba nesesidade Estadu,”hateten Arão Noe ba jornalista.

Eis xefi bankada CNRT ne’e afirma tan,  nia parte sei esforsu atu jere tempu, atu nune’e bele determina duni prosesu diskusaun orsamentu iha faze espesialidade ne’e remata duni iha loron 5, nu’udar kompromísu, maske meja rejista ona proposta kuaze 100 ne’ebé presiza diskute no halo aprovasaun ba kada artigu.

“Ida ne’e mak pontu final ona, ne’ebé bele diskute to’o kalan bo’ot ka madrugada mós tenke hotu, tanba kompromísu ona, ita deside ona ita tenke kumpri, tanba orsamentu ne’ebé nato’on leventa husi Fundu Petrolíferu atu asegura de’it ba fulan Jullu no Agostu, maibe fulan Setembru ita bele sofre fali, hanesan saida mak akontese tiha ona, osan laiha, balun simu osan atraza, tanba ne’e, atu labele akontese ida ne’e, orsamentu ida agora ne’e, tenke aselera, para salariu vensimentu no seluk tan bele la’o normal,”dehan Arão Noe.

Líder órgaun lejislador ne’e mós kontinua preokupa ho membru VIII Governu ne’ebé seidauk kompletu, tanba sei fó impaktu ba prosesu diskusaun iha espesialidade ne’e, liu-liu iha ezekusaun orsamentu ne’e rasik.

“Ida ne’e ita preokupa nafatin, tanba impaktu ba bainhira to’o iha sira (Ministériu ne’ebé sei mamuk_red) ministru interinu ida mak sei ba defende fali, iha faze ezekusaun mós iha problema, tanba ministru interinu mak tenke haree, maibe ministru interinu sira ne’e mós tenke fó prioridade ba ninian, hafoin apoiu mós ba ministériu ne’ebé mamuk, ida ne’e difikuldade bo’ot liga ezekusaun nian,”Arão Noe salienta.

Prosesu diskusaun OJE ne’e remata ona iha jeneralidade ne’ebé diskute tiha ona durante loron 2, no pasa ho votus a favor 53, kontra 0 no abstensaun 12, no sei kontinua diskute iha faze espesialidade ba loron lima ne’ebé hala’o tiha ona dezde Sesta, loron 31, fulan Agostu ne’e, no sei remata iha loron 7, fulan Setembru, tinan ne’e.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker