GMN TV Politika Semana oin, PN deside viajen PR ba RGE ■Australia husu adia viajen PR ba tinan oin

Semana oin, PN deside viajen PR ba RGE ■Australia husu adia viajen PR ba tinan oin

0 views

Parlamentu Nasionál (PN) V lejislatura ajenda ona pedidu viajen Prezidenti Repúblika (PR) Francisco Guterres ‘Lú Olo’, ba República Guiné Equatorial (RGE) ba plenária semana oin, hodi deside Xefi Estadu bele dezloka ba ka lae, relata Prezidenti Parlamentu Nasionál (PPN), Arão Noe de Jesus da Costa Amaral, ba jornalista, hafoin reuniaun ho líder bankada sira, Sesta (21/09/2018).

Líder órgaun lejislador ne’e informa, tuir loloos ajenda hotu ho pedidu viajen ba Australia, maibe sei konfirma ho Gabinete Prezidenti Repúblika nian, tanba Parlamentu hetan karta husi embaixada Australia iha Timor-Leste, atu adia viajen ne’e.

“Tuir karta ne’ebé mai ba Australia, República Guiné Equatorial, maibe kona-ba Australia nian iha pedidu ida husi Embaixador Australia liu hosi ami no diretamente ba bankada sira katak, husu adia ba tinan oin (2019), tanba ne’e mak ida ne’e sei iha kontaktu ho Prezidenti Repúblika konaba dezlokasaun ne’e”,relata PPN, Arão Noe.

Líder másimu V lejislatura ne’e afirma, Parlamentu sei mantein ajenda viajen PR Lú Olo nian ba República Guiné Equatorial, ne’ebé tuir planu sei dezloka iha loron 11 to’o 14, fulan Outubru, tinan ne’e, hodi partisipa iha loron proklamasaun independensia Guiné Equatorial nian ba dala 50.

“Apresiasaun dezlokasaun ba Guiné Equatorial ne’e mak sei mantein iha ajenda”,dehan Arão Noe Amaral iha PN.

Tuir pedidu viajen Xefi Estadu nian ne’ebé haruka ba Parlamentu Nasionál atu halo apresiasaun, Xefi Estadu sei dezloka ba Australia iha loron 7 to’o 10, fulan Outubru ne’e, no ba Guiné Equatorial iha loron 11 to’o 14, fulan Outubru oin.

No husi loron 28 to’o 1 Novembru, Xefi Estadu Lú Olo mós hetan konvite husi PR Indonesia Joko Widodo hodi paritisipa iha Bali forum, no iha loron 17 to’o 26 Novembru nian, PR hetan mós konvite santidade Papa Francisco nian, ne’ebé Igreza Katólika ne’ebé kontribui mos ba luta Timor-Leste hodi hetan nia libertasaun.

Xefi Estadu nia ajenda ikus liu mak atu halo dezlokasaun ba Maroko, iha loron 7 to’o 14 fulan Dezembru, hodi partisipa enkontru altu nível global ne’ebé konvida husi Skeretáriu Jeral ONU, António Guterres.

Antes ne’e, Parlamentu Nasionál V lejislatura, kansela ona pedidu viajen Xefi Estadu Francisco Guterres ‘Lú Olo’ nian ba dala rua, ne’ebé tuir loloos Xefi Estadu atu halo vizita Estadu ba Portugal iha fulan Jullu, inklui atu partisipa Asembleia jeral ONU nian iha Estadu Unidu Amérika iha fulan Setembru, tinan ne’e.Say


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker