GMN TV Politika Diskonfia ema balun fasilita GAM hasa’e sintu, VMI husu PNTL buka tuir

Diskonfia ema balun fasilita GAM hasa’e sintu, VMI husu PNTL buka tuir

0 views

Vise Ministru Interiór (VMI), António Armindo, husu Polísia Nasionál Timor-Leste (PNTL) buka tuir ema ne’ebé  mak  deskonfia  fasilita membru  Grupu Arte Marsiál (GAM) husi Pesaudaraan Setia Hati Terate (PSHT)  ba  hasa’e sintu iha Atambua, Indonézia.

António Armindo hato’o lia hirak ne’e, relasiona ho membru Persaudaraan Setia Hati Terate, ne’ebé mak husi loron ba loron Polísia Unidade Patrullamentu Fronteira no FALINTIL-Forsa Defeza Timor-Leste (F-FDTL)  sempre halo kapturasaun, iha fronteira terreste, hodi hatama ba kuarentena.

António Armindo hateten, dadauk ne’e, Komando PNTL lansa hela servisu intelejénsia hodi buka tuir, sé mak  iha kotuk, nune’e  bele haruka ema sira ba  hasae sintu iha Atambua Indonézia iha tempu ne’ebé mak estadu dekreta hela Estadu Emerjénsia hodi halo prevensaun ba surtu COVID-19, iha nasaun Timor-Leste.

“Agora ita seidauk hatene sé-sé mak  iha kotuk, ha’u fiar  ida ne’e mak ba hasa’e sintu iha sorin ne’e hanesan ita hotu rona  deklarasaun husi sira nia Prezidente no Sekretáriu Jerál  katak sira la autoriza dala ruma iha individu iha konsénsia hakarak ba rasik,  la presiza ema ruma apoiu sira iha kotuk. Ne’ebé ita labele jeneralija ema ruma karik iha kotuk, mas  investigasaun no intelen hetan evidensia ruma ne’e buat seluk fali ona”, esplika Vise Ministru Interiór António Armindo, ba jornalista sira Tersa (15/09/20), hafoin vizita ba konstruksaun edifisiu Kuartel Jerál PNTL Kaikoli Díli.

Alende ne’e, Komandante Jerál PNTL Komisáriu Faustino da Costa hateten, sé membru Polísia ruma mak fasilita sei la tolera.

“Em prinsipiu  ha’u atu hateten hanesan ne’e lei artemarsiáis reativa ona, maibé rezolusaun governu la halakon membru PNTL no F-FDTL. Tanba  iha rezolusaun hateten forsa seguransa sira nia ema sira ne’e Zero toleránsia kuandu involve iha artemarsiáis, ne’ebé  la’os ita buka tuir, maibé kuandu iha keisa balun kuandu fasilita ka apoiu artemarisiáis ne’ebé reativa ita sei foti konsekuénsia”, dehan Faustino da Costa.

Antes ne’e,  iha loron  hat fulan ne’e UPF no F-FDTL kaptura membru PSHT hamutuk 37, iha fronteira, hafoin ba sae sintu iha Indonézia, no iha  Segunda loron hitu fulan ne’e, PNTL kontinua  kaptura membru PSHT na’in neen iha Bairu-Pite Díli.

Iha Kuarta loron sia fulan ne’e, PNTL kaptura  membru PSHT  hamutuk na’in 14 iha Kolmera Díli. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker