Sekretáriu Estadu ba Asuntu Kombatente Libertasaun Nasionál, Gil da Costa Monteiro ‘Oan Soru’ hatete, Ekipa Ministériu Asuntu Kombantente Libertasaun Nasionál (MAKLN), sei rekolla fotografia benefisiáriu sira, ne’ebé simu ona pensaun husi Estadu, iha munisípiu sanulu resin tolu, tanba iha benefisiáriu sira balun, maske simu pensaun maibé, seidauk hasai fotografia, fotografia ne’ebé ekipa rekoella, atu halo kartaun identidade, hodi bele fasilita oan no bei-aon sira iha futuru.
“Iha loron 28 fulan ida ne’e duni, ekipa ne’ebé husi diresaun nasionál pensaun de subensaun, ne’ebé lideradu husi señor diretór Manuel, ninia ekipa baze dadus sei tun ba postu hot-hotu iha territóriu tomak hodi foti fotografia husi benifisiariu sira ne’ebé maka simu hela osan ba pensaun sobrevivênsia, pensaun sustentensia no pensaun espesiál de reforma, ema ne’ebé to’o agora seida’uk hasai fotografia tanba ho situasaun ita hot-hotu hatene Estadu Emerjénsia, ema hot-hotu tenke hela iha nia fatin, maibé ohin aproveita fó hatene ba públiku, katak sei falta ema 20, 274 maka seida’uk hasai fotografia,” Hatete, Gil da Costa, liu husi konferénsia ba imprensa, Sesta (25/09/2020), iha Caicoli-Díli.
Governamente ne’e salenta, fotografia ne’ebé sei halo ba kartaun refere, la’os ba ema hotu atu hetan maibé ba deit benifisiariu hirak ne’ebé sira nia osan hetan ko’a ona.
“Sei nia mate, mas ninia osan seida’uk ko’a entaun lae? tanba buat ida ko’a osan ne’e hahu iha janeiru 2020, liu ba kotuk nia mate tiha ona ne’e labele,ne’e osan la ko’a ida espesifikamente ba osan ne’ebé ita ko’a,ne’e la’os kartaun de rekoñesimentu lae? ne’e billeite de identifikasaun, para nia atu hatene hela ninia oan ka ninia jerasaun kona-ba osan ne’e ko’a ona hira no halo ona saida?,” tenik Gil.
‘Oan Soru’ mos husu ba benefisiáriu sira, atu kolabora ho ekipa ministériu nian, bainhira sira tuun ba terrenu, nune’e bele aselera lalais programa refere.
“Husu ba hotu-hotu, atu partisipa iha momentu ida ne’e, hodi bele hetan fotografia hodi hetan Kartaun ida ho modelu hanesan ne’e, tanba hahú husi fulan Janeiru 2020, ita ko’a sira nia osan ne’ebé USD 30 dolar, hahú ho lamentasaun lubuk ida, maibé ohin loron ekipa tu’un direitamente lori programa ida ne’e habesik-an ba postu hot-hotu iha munisipiu, para sira atu mai hasai fotografia ne’e iha ne’eba, hodi hetan kartaun ida ne’e espesiál ba sira benefisariu la’os ema hot-hotu ne’ebé registadu atu mai hotu lae?,” husu ‘Oan Soru’.
Sekretariu Estadu ne’e hateten, durasaun tempu ba ekipa rekoella benefisiariu sira nia fotografia, kada postu administrativu ida, loron 2 no ekipa sira ne’ebé sei tun ba terrenu kompostu ema na’in 4. Jen
