GMN TV Politika Evita ema tama-sai ilegál iha fronteira, PM Taur: Governu kontakta ona lideransa PSHT

Evita ema tama-sai ilegál iha fronteira, PM Taur: Governu kontakta ona lideransa PSHT

0 views

Primeiru Ministru (PM), Taur Matan Ruak, hatete, sidadaun sira kontinua tama-sai ilegál iha fronteira liu-liu Grupu Arte Marsiál (GAM) Persaudaraan Setia Hati Terate (PSHT), maka Governu liu husi Ministériu Interior, sei halo kontaktu ho lideransa PSHT hodi koopera, nune’e labele kontinua tan tama-sai ilegál iha fronteira.

“Preokupasaun boot ne’ebé ami haree hela no forma nusa maka bele ultrapasa ida ne’e, maibé iha fatór tolu importante lo’os ne’ebé kontribui atu pasajen ilegál iha fronteira ne’e maka’as, ida maka relasaun famíliar entre populasaun sira ne’ebé iha fronteira, ida seluk maka tranzisaun komersiu sira ba sasán iha ne’eba baratu, entaun sira mai tama sai iha fronteira”, dehan Taur Matan Ruak, Kinta (17/09/2020), iha Palásiu Prezidensial, Nicolau Lobato, Bairo Píte, Díli.

Seluk fali, PM Taur haktuir, GAM, liu-liu ikus ne’e haree oan sira husi Persaudaraan Setia Hati Terate (PSHT) ne’ebé ba-mai ilegalmente, ida ne’e lori preokupasaun ba Ministériu Interior. Tanba ne’e maka dadaun ne’e la’os de’it haree posibilidade atu nusa maka reforsa seguransa iha fronteira.

“Governu mós halo kontaktu ho lideransa PSHT nian, no nia fó ona instrusaun ba nia Vise Ministru Interior, atu kontaktu sira atu sira koopera,” tenik Taur.

“Tanba risku ne’e boot, ita nia labarik sira ba ilegalmente no sira lori moras mai ba sira nia família oho sira nia família no la to’o bele oho tan komunidade, tanba bainhira da’et, ita graça a Deus bele númeru infetadu iha mundu ne’e aumenta no ema mate mós aumenta, maibé Timor graça a Deus ita laiha problema ida ne’e, entaun ha’u hanoin sidadaun hotu-hotu tenke kontribui atu ita nia situasaun ne’e permanese hanesan ne’e atu labele prejudika ita nia sidadaun sira”, salienta Taur.

Ho kestaun hirak ne’e mak PM Taur apela ba Timor-Oan sira atu ajuda kontribui ba seguransa, tanba moras ida ne’e moras a’at.

“Ha’u ka, ita boot sira ne’e mai ne’e la hili ne’ebé ami preokupa, ami halo esforsu barak halo nusa maka rezolve problema ida ne’e, ami mós ko’alia ho munisípiu sira, liu-liu munisípiu sira ne’ebé iha fronteira hanesan Bobonaro, Covalima atu reativa fila-fali Konsellu Seguransa Munisipál nian atu tau matan fó kontribuisaun tomak, tanba ita-nia fronteira sira hanesan mós Oe-Cusse”, dehan Taur.

Taur mós subliña, dau-daun ne’e halo investigasaun maka’as hodi deteta iha faktu ruma ka la’e katak iha ema ruma fó kontribuisaun husi parte Timor nian ka Indonézia nian atu hafasil tama-sai ilegál hirak ne’e.

“Tanba se la’os ita nian, Indonézia mós bele, tanba ne’e ami buka faktu no bainhira hetan, naturalmente sei toma medidas atu minimiza pasajen sira ne’e”, hatete Xefe Governu ne’e. Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker