Governu liu husi Konsellu Ministru (KM), aprova projetu dekretu lei, hodi fó apoiu ba traballadór no empreza sira, tamba ne’e inisiativa Governu nian atu bele rekupera ekonomia rai-laran.
“Projetu dekretu lei ida ne’e ho intensaun ida atu apoiu traballadór no ema ne’ebé halo negósiu ho konta rasik, ida ne’e hola parte iha inisiativa Governu nian, rekupera ekonomia rai-laran,” informa, Ministru Prezidensia Konsellu Ministru, Fidelis Leite Magalhães, iha Palásiu Governu, Kuarta (16/09/2020).
Governante ne’e esplika, projetu dekretu lei ne’e ho objetivu atu estabelese apoiu oin-rua, ba entidade empregadora sira, inklui traballadór hirak ne’ebé iha konta rasik, ne’ebé konsidera nesesáriu no adekuadu tebes ba rekuperasaun ekonómika.
Fidelis subliña, atu bele hetan asesu ba apoiu ida-ne’e, entidade empregadóra sira tenke integra ona iha seguransa sosiál, to’o bainhira diploma ne’e tama iha vigor.
Alende ne’e, Governu sei fó apoiu durante fulan 4 tu-tuir malu, hafoin Dekretu Lei ne’e tama iha vigor.
“Empreza no traballadór hirak ne’ebé atu simu apoiu husi Governu iha obrigasaun atu halo nafatin sira-nia servisu normál, no loke nafatin ba públiku,” tenik Fidelis.
Ministru Prezidensia Konsellu Ministru ne’e afirma, apoiu ida ne’e la inklui benefisiáriu hirak-ne’ebé hetan impedimentu atu halo sira-nia servisu normál, liu-liu kompañia no ajénsia viajen sira. Cin
