GMN TV Politika Governu presiza aplika pena ba sidadaun tama-sai ilegál iha fronteira

Governu presiza aplika pena ba sidadaun tama-sai ilegál iha fronteira

0 views

Xefe bankada CNRT iha Parlamentu Nasionál (PN), Duarte Nunes, afirma, Governu presiza aplika pena ba sidadaun sira ne’ebé kontinua tama-sai ilegál durante implementasaun Estadu Emerjénsia (EE).

“Ha’u hanoin ema ne’e halai mai ka tama mai polísia iha obrigasaun atu kontrola, sé polísia husik tama ne’e problema, polísia presiza investiga tanba saída mak sira tama illegal mai, sira tama ilegál mai nono’ok de’it ne’e no ema sira halai mai ne’e mak tenke hetan sansaun. Sé ita la fó sansaun ruma ba ema sira tama illegal, sira mai nafatin tenke kontrola, bele ba kuarentena, mais tenke iha sansaun ruma. Tenke fó pena ruma ba sira, maibé ba to’o uma semana ida mak ita foin buka ne’e problema boot ba ita”, Xefe bankada CNRT ne’e ba jornalista iha PN, Sesta foin la-lais ne’e.

 Reprezentante povu iha uma fukun PN ne’e hateten, Governu la aplika sansaun ba sidadaun sira ne’ebé tama-sai ilegál, ne’e mak movimentu tama-sai ilegál iha fronteira ne’e sei maka’as liu tan.

Presiza aumenta polísia no postu vijilánsia iha fronteira terestre, ho nune’e bele kontrola di’ak liu tan movimentu tama-sai illegal iha fronteira.

“Ha’u rona iha televizaun balun mai to’o iha uma mak polísia mai buka fali sira, ha’u la hatene Grupu Arte Marsiál (GAM), maibé ne’e individu mak tama ona mai la hetan kontrola husi polísia, presiza halo investigasaun. Ha’u konkorda atu investiga, tanba saída mak ema ne’e ba ona uma no iha tiha ona família, sé nia iha ona moras COVID-19 bele da’et ona no nia agora la’o iha ita-nia leet, agora ita atu oinsa”, dehan Duarte.

Antes Ne’e, Prezidente Komisaun B PN, José Agostinho Sequeira “Somotxo”, hateten, Governu presiza aumenta postu vijilánsia no monta Closed Circuit Television (CCTV), ho nune’e bele diminui movimentu illegal iha fronteira terestre.

Entretantu, iha loron 11, fulan ne’e, polísia kaptura sidadaun Indonézia na’in rua iha aldeia 01 de Setembro, suku Vila Verde, postu administrativu Vera Cruz, munisípiu Díli, tanba la kumpre regra EE no la tama kuarentena hodi halo teste hodi prevene COVID-19 tama Timor-Leste. ety


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker