Ministru Prezidénsia Konsellu Ministru (MPKM), Fidelis Leite Magalhães, hateten, Governu sei propoin ba Prezidente Repúblika (PR), Francisco Guterres Lú Olo, atu estende tan Estadu Emerjénsia (EE) ba da-lima ho durasaun loron 30.
Objetivu hosi estensaun EE ne’e atu evita no netraliza risku sira hosi propagasaun COVID-19, nune’e proteje saúde públika no kapasidade resposta ba sistema nasionál saúde.
“Tanba ne’e Governu sei propoin ba Prezidente Repúblika (PR) hodi husu deklarasaun kona-ba estensaun EE, nune’e permite atu suspende ka restrinje direitu tomak kona-ba sirkulasaun internasionál, sirkulasaun no fiksasaun rezidénsia no rezisténsia. No ohin (Horiseik) Governu halo deliberasaun ida hodi propoin ba PR atu estende tan EE”, Fidelis Leite Magalhães, ba jornalista sira, Kuarta (23/09/2020), hafoin reuniaun KM iha Palásiu Governu, Díli.
Governu deside atu halo pedidu hodi prepara karta hosi Primeiru Ministru, Taur Matan Ruak, hodi husu ba PR atu fó tempu, nune’e iha semana oin bele prepara ajenda ba PR atu halo hodi konvoka ho entidade sira hotu, hodi rona idea, nune’e bele fó biban ba Parlamentu Nasionál (PN) atu halo ajendamentu debate ba estensaun EE ne’e.
“Kontiudu hanesan no laiha hanoin atu halo alterasaun ne’ebe bo’ot ba medidas foun ba direitu hirak ne’ebe restrinje EE nian,” dehan Fidelis Magalhães.
Enkuantu iha loron 4, fulan Setembru ne’e, PR, Francisco Guterres Lú Olo, dekreta EE ba da-haat ho durasaun loron 30, ne’ebé sei remata iha loron 4, fulan oin.
Ho pedidu estensaun ne’e akumula ona estensaun EE dezde fulan Marsu to’o ohin loron ne’e hamutuk da-lima ona. Fel
